Изградба на дел од локален пат од с.Банско-општина Струмица до с.Моноспитово-општина Босилово

Патниот правец од клучката кај оранжерии кај с. Банско – Општина Струмица до населено с. Моноспитово – Општина Босилово, се протега во должина од 2.368,82 метри и е во категоријата на полски патишта.
Со непостоењето на модерна патна инфраструктура, отежната е и оневозможена комуникацијата на населението, нивниот економски развој и лесниот пристап до туристичките, културно-историските и природните реткости што ги пружи подбеласичкиот регион.
Во моментот полскиот пат се користи само од граѓани-земјоделски производители за пристап до своите земјоделски површини, на кои претежно има подигнато пластеници во кои се одгледуваат раноградинарски култури. Со ваквата лоша состојба на полскиот пат отежнат е и транспортот на земјоделските производи што доведува до намалување на нивниот квалитет.
Изградбата на локалниот патен правец се состои од изработка на комплет нова коловозна конструкција, дефинирање и уредување на банкини, изработка на хоризонтално и вертикално решение и решавање на одводнувањето од атмосферски води.
Со изградбата односно осовременувањето на овој патен правец ќе се подобри комуникацијата помеѓу двете населени места, како и околните населени места. На туристите љубители на природата кои го посетуваат и престојуваат во подбеласичкиот регион ќе им се олесни пристапот до Споменикот на природата „Моноспитовско Блато“, кој е во непосредна близина на овој патен правец.

Цели на проектот:

• Подобрување на локалната патна инфрастуктура во Југоисточниот плански регион;
• Подобрување на условите за живот на граѓаните во овој микро регион;
• Олеснет пристап до туристички локалитети кои се наоѓаат во близина на двете општини.