Изградба на пристапен пат до регионалниот стационар за бездомни кучиња

Преку овој проект се планира да се изгради модерна инфраструктура за лесен и брз пристап до прифатилиштето за бездомни животни во општина Струмица. Со проектот се  предвидува изградба на пристапен пат во должина од 561 метри до прифатилиштето, а покрај патот со овој проект ќе се овозможи влезниот дел од прифатилиштето да се уреди со паркинг простор, да се уреди партерно и хортикултурно, со затревување на просторот, поставување на клупи за седење, канти за отпадоци и засадување на дрвја.

Овој проект има регионално значење бидејќи иако со прифатилиштето ќе раководи и ќе го финансира општина Струмица истото во иднина, во согласност со законските прописи, би било во функција и на соседните општини за минимален надомест по заловено куче.

Ваквиот проект ќе придонесе од една страна кон модернизирање на локалната инфраструктура во Југоисточниот регион, зголемен економски развој како и изградба на инфраструктурата во постоечките индустриски зони, а од друга страна ќе овозможи квалитетен пристап до прифатилиштето за бездомни животни во о. Струмица.

Цели на проектот:

• Изградба на пристапна улица до регионалното прифатилиште за бездомни животни;
• Партерно и хотикултурно уредување на влезот на регионалниот стационар за бездомни животни;
• Поставување урбана опрема и целосно оплеменување на просторот;
• Намалување на бројот на повредени лица од бездомни кучиња;
• Зголемување на интеграцијата на старите лица и децата до 14 години во општествените активности.