Добро развиените индустриски зони се најважен предуслов за развој на регионот. Овие зони треба да имаат добро базирана инфраструктура и сигнализација која ќе ја зголеми атрактивноста на зоната за потенцијалните домашни и странски инвеститори. Југоисточниот плански регион има 18 функционални индустриски зони. Покрај овие, уште 10 се во процес на урбанизација. Затоа регионалниот пристап е повеќе од потребен. Регионот мора да превземе мерки за промоција на развиените индустриски зони и со заеднички напори да се оди кон нивен развој со што ќе се промовираат како атрактивна бизнис дестинација.
Главната цел на овој проект е зголемување на економскиот развој проку зголемување на инвестициите во индустриските зони во Југоисточниот плански регион (ЈИПР).
Цели на проектот:
- Да се создаде силна основа за подобрување на инфраструктурата на индустриските зони во Југоисточниот регион;
- Зголемување на инвестициите во индустриските зони во Југоисточниот плански регион, а со тоа и зголемување на економскиот развој.
Резултати од проектот:
- Преглед и презентација на условите за влез во инфраструктурата и сигнализацијата во индустриските зони во Југоисточниот плански регион;
- Запознавање на потенцијалните инвеститори со националните и регионалните полиси и мерки заподдршка на инвестициите како и со специфичностите на постојните индустриски зони;
- Подигање на свеста на Општините за заедничка/регионална презентација на индустриските зони во регионот, пред домашните и странски инвеститори.