Интегриран оперативен центар за хуманитарна помош – HELP

Проектот вклучува дизајн на кластер од контејнери за извршување на клучни операции за олеснување при справување со катастрофи. Двата меѓусебно поврзани контејнери “Командни Центри – C4I” (еден за Р. Македонија и еден за Грција) ќе бидат испорачани како прототипи во рамките на “HELP” проектот, заедно со медицински контејнер – “MED” (само за Грција).

Главната цел на проектот е да ја подобри стратешката и оперативаната ефикасност на јавната администрација и јавните служби во управувањето со елементарните непогоди во пошироката прекугранична област преку обезбедување на интегрирано решение за техничка поддршка и управување со пост-катастрофални операции и логистика на терен.

Специфични цели:

•  Да се прошират севкупните регионални и национални капацитети за обезбедување на хуманитарна помош, врз основа на заедничките предизвици кои треба да се решат;
•  Да се воспостават мрежи и структури за соработка во прекуграничниот регион со цел да се зајакне трансферот на знаење, искуството и експертизата во планирањето, организирањето и извршувањето на операциите за итна помош;
•  Да се демонстира функционалноста на контејнерот пред сите засегнати страни и да се обучат истите како се користи;
•  Да се спроведат јавни кампањи за обука на граѓаните во случај на вонредна состојба и да се промовира регрутирањето на социјалните медиуми со цел да се вклучат граѓаните како волонтери.