Развојот на еден регион зависи од повеќе фактори. Еден од позначајните е квалитативниот и квантитативниот степен на изградба на физичката инфраструктура. Секое општество се стреми кон овозможување на повисок и поквалитетен животен стандард на граѓаните, што во суштина значи и константно подобрување на условите за живот.
Овој Проект се однесува за реконструкција на патна инфраструктура на дел од патот кој води кон браната Турија, еден од најзначајните туристички локалитети на територија на општина Василево, која покрај тоа што се користи како основен извор за вода на пиење на градот Струмица, се користи и за риболов и рекреација. Патот е од рангот на пристапни патишта со почеток на крстосница со регионалниот пат кој води до с.Добрашинци, и продолжува кон браната Турија. Овој пат е од локално значење кој што во иднина би се подигнал на ниво на присапна улица за населеното место. Со реконструкцијата на ваквата патна инфраструктура на дел од патот ќе овозможи туристичкиот локалитет брана Турија да биде посетена од домашни и странски туристи, со цел зголемување на туристичкиот и економскиот развој како на општината Василево така и на целиот регион.
Проектот ќе се реализира со поддршка од Програмата за финансиска поддршка на руралниот развој за 2018 година од Агенцијата за финансиска поддршка во земјоделството и руралниот развој од мерка 323, Зачувување и унапредување на традиционалните вредности во руралните средини.
Цели на проектот:
- Реконструкција на патна инфраструктура на дел од патот кој води кон брана Турија;
- Подобрување на локалната патна инфраструктура во Југоисточнот плански регион;
- Реконструкција и проширување на постоечкиот пат;
- Зголемување на туристичката понуда;
- Подобрување на условите за живот на граѓаните во регионот;
- Олеснување на пристапот до туристичките локации.