Моменталните услови со кои се соочуваат лицата со посебни потреби, па и вработените во Дневните Центри за лица со посебни потреби во Југоисточниот плански регион се незадоволителни, со ниско ниво на развиеност во поглед на опрема која треба да им се понуди на лицата со посебни потреби со цел за нивна професионална ориентација и рекреирање во секојдневниот престој. Ваквиот квалитет и ваквите норми за престој кои им се нудат на лицата со посебни потреби влијаат врз секој аспект на животот и често резултираат со незадоволство, со нерамноправна положба, со неквалитетен живот, развој и едукација и социјална исклученост од пазарот на трудот.
За надминување на овој проблем во рамки на проектот ќе се набави опрема за:
Професионална ориентација: Сито печатар преку кои лицата со попреченост ќе можат на хартија, ткаенина да печатат одредени мотиви, грничарско колце за изработка на глинени сувенири, разбој за ткаење преку кој ќе може да се изработуваат разни видови на ткаенини користејќи остатоци од конфекциски текстил, силиконски модли за за изработка на разновидни сувенири, принтер во боја за печатење на рециклирана хартија која некои од Центрите сами си ја произведуваат. Преку набавка на ваквите реквизити ќе се овозможи зачувување на професионално културните, традиционални, занаетчиски занимања.
Психомоторен развој: Бочија сет, кош, ролер слајд, лулашка, тунел, базен со топки, карпа-алпинистички ѕид, трицикл со педали, опрема за спортски активности, интерактивни дидактички матријали со цел психомотерен развој, збогатување на амбиентот, подобрување на условите во секојдневието, подобрување на сетилата и квалитетот на животот. Во овој дел освен поставување на опрема исто како услов за спорт и рекреација на лицата со попреченост ќе се адаптира, огради и оплемени двор во Дневен Центар во Струмица.
Достапност на лица со попреченост со набавка на лифт кар– гасеничар за пренос на лица со инвалидитет по скали и стигнување до било кој објект.
Со овој проект ќе се овозможи препознавање на лицата со посебни потреби од бизнис секторот, работно оспособување за нивно идно самостојно учество на пазарот на трудот.
Цели на проектот:
Психомоторен развој: Бочија сет, кош, ролер слајд, лулашка, тунел, базен со топки, карпа-алпинистички ѕид, трицикл со педали, опрема за спортски активности, интерактивни дидактички матријали со цел психомотерен развој, збогатување на амбиентот, подобрување на условите во секојдневието, подобрување на сетилата и квалитетот на животот.
