Дигитализација во основното образование со помош на смарт табли во Југоисточниот плански регион

Проектот се фокусира на унапредување на образовниот процес во основните училишта во руралните општини од Југоисточниот плански регион преку воведување на современи дигитални технологии. Целта е модернизација на наставниот процес, создавање интерактивна и подинамична едукативна средина и зголемување на ангажираноста на учениците.

Наставата во руралните училишта често се одвива со традиционални методи, што го ограничува користењето на иновативни пристапи и дигитални содржини. Со поставување на интерактивни смарт табли се овозможува визуелно, мултимедијално и интерактивно учење, при што учениците активно учествуваат во наставниот процес, а наставниците добиваат современа алатка за подобра организација и презентација на материјалите.

Во рамките на проектот е предвидено поставување на вкупно 23 интерактивни табли во четири основни училишта во руралните општини од регионот:

• Општина Василево – 7 табли во ООУ „Гоце Делчев“ – с. Василево

• Општина Богданци – 4 табли во ООУ „Кирил и Методиј“ – с. Стојаково

• Општина Босилово – 7 табли во ООУ „Кирил и Методиј“ – с. Иловица, ООУ „Гоце Делчев“ – с. Босилово и ООУ „Борис Трајковски“ – с. Моноспитово

• Општина Ново Село – 5 табли во ООУ „Мануш Турновски“ – с. Ново Село

Со оваа иницијатива се создаваат услови за современо, инклузивно и ученик-ориентирано образование во согласност со европските стандарди за дигитализација во наставата.