TX4ALL е иновативен прекуграничен проект кој има за цел да создаде инклузивни и достапни јавни простори и услуги за лицата со попреченост во соработка меѓу Грција и Северна Македонија.
Пристапност и вклученост за сите до јавните туристички средства и услуги – TX4ALL
Краток опис на проектот
TX4ALL е иновативен прекуграничен проект кој има за цел да создаде инклузивни и достапни јавни простори и услуги за лицата со попреченост, преку примена на принципите на „ко-дизајн за сите“ и активна соработка меѓу партнерите од Грција и Северна Македонија. Проектот се фокусира на подобрување на пристапноста во јавниот и урбаниот простор, развивање на паметни решенија за мобилност и информации, како и подигање на свеста за правата и потребите на лицата со попреченост.
Главни цели
* Да се промовира еднаквост, инклузија и пристапност во урбаното планирање и јавните услуги.
* Да се поттикне активно учество на лицата со попреченост и нивните организации во процесот на дизајн и донесување одлуки.
* Да се обезбеди квалитетна и достапна инфраструктура, информации и дигитални решенија кои ќе го подобрат секојдневието на сите граѓани.
* Да се воспостави прекугранична соработка за размена на знаења, искуства и добри практики во областа на пристапноста и инклузивниот развој.
Партнери
Главен партнер во проектот е IN-ESAmeA, институтот основан од Националната конфедерација на лица со попреченост во Грција, кој носи експертиза, знаење и директна врска со целната група. Нивната улога е клучна во координацијата на проектот, развојот на содржини и активности и обезбедувањето дека сите решенија се дизајнирани со и за лицата со попреченост, Центар за развој на Југоисточниот плански регион и општините од Југоисточен регион
Вкупен буџет
1.385.108,68 EUR
Финансиран од
Проектот е кофинансиран од Програмата Interreg VI-A Грција – Северна Македонија 2021–2027, со поддршка од Европскиот фонд за регионален развој (ERDF) и национални средства.
Резултати
Очекувани резултати
* Подобрена пристапност до јавни простори, услуги и информации за лицата со попреченост.
* Подигнато ниво на јавна свест за инклузивност и почитување на човековите права.
* Развиени дигитални решенија кои ја олеснуваат мобилноста и пристапот до услуги.
* Зголемена соработка меѓу институции, организации и локални заедници во Грција и Северна Македонија.
Времетраење
Веб страна
Галерија
Документација
Споделeте го овој проект
Email
Facebook
Twitter
LinkedIn
WhatsApp
Telegram