Дојран-медитерански бисер во Југоистокот

Преку овој проект се предвидува реконструкцијата и рехабилитацијата на постоечката патека покрај Дојранското езеро која е со вкупна должина од 5 км и опфаќа машинско чистење на теренот со дрвја, корења и шут, вадење на бекатон плочките со чистење и повторно вградување на истите, бетонирање на повеќе оштетени делови од бетонски потпорни ѕидови, обележување на хоризонтална и вертикална сигнализација, поставување на нови клупи за седење и нови корпи за отпадоци. Со реконструкција на пешачката и велосипедската патека, ќе се добие современ изглед и ќе се подобрат условите што ги нуди општина Дојран како едно важно туристичко место.

Главната цел на проектот е развој на нови туристички атракции, со цел привлекување поголем број туристи и посетители, со што директно ќе се влијае на збогатување на туристичката понуда, развојот на туризмот во регионот, а индиректно и на економски развој на целиот Југоисточен регион.