Споделена претприемачка средина за креативна младина

Проектот е базиран на подобрување на капацитетите на младите во прекуграничниот регион и можностите за самовработување во креативната индустрија. Проектот е наменет за развој на заедничка методологија за ангажирање и изградба на капацитетите на младите; ангажирање на работодавачи со советничка и менторска функција; поттикнување на претприемништвото преку настани; создавање 2 заеднички работни простора за креативна индустрија во Радовиш и Гоце Делчев.

Целта на проектот е исто така и создавање на  инкубатори на проектот за обезбедување на бесплатен работен простор за фотографи, архитекти, дизајнери и други претставници на уметничкото и културното работење, како и за бизнис обуки и консултации. Проектот опфаќа: развивање на вештини и знаења на младите луѓе – учесниците во проектот за подобри можности за економска независност; поддршка и мотивирање на младите луѓе да започнат сопствен бизнис во секторот на креативната индустрија и создадавање на нови можности за работа во прекуграничната област; како и размена на најдобрите практики.