Екосистемот на сливот на река Струмица е од витална важност за луѓето кои живеат во овој регион бидејќи обезбедува вода за пиење и наводнување за 124.500 луѓе и претставува природно живеалиште за голем број растенија и животни.
Сливот на реката Струмица е особено ранлив екосистем и е под закана од влијанието на климатските промени, земјоделството кое влијае врз нивото и квалитетот на водата, прекумерната употреба на ѓубрива и пестициди како и од користењето на водата за наводнување.
Зголемената побарувачка на вода од индустријата и населението во руралните и урбаните подрачја како и предвидувањата дека во следниве неколку декади ќе има високи температури и помалку врнежи што може да доведе до огромен недостиг на вода прави проблемот да стане уште полош.
Затоа целта на овој проект е да ги идентификува клучните закани и да ги координира напорите за заштита на сливот на река Струмица и неговите жители.
Цели на проектот:
- Координација на сите заинтересирани страни, избегнување на заканите и заштита на екосистемот на сливот на река Струмица;
- Проценка на заканите во земјоделството и планирање на соодветен одговор;
- Формирање на едно тело што ќе носи одлуки;
- Приближување на државните норми кон нормите на ЕУ;
- Идентификување на идни активности и мерки за реставрација на екосистемот на сливот на реката Струмица.
Резултати од проектот:
- Подобро управување на сливот на реката Струмица;
- Воведени одржливи земјоделски практики;
- Воспоставен систем за мониторинг за собирање на податоци;
- Креиран план за управување со сливот на реката Струмица;
- Реставриран екосистем на сливот на реката Струмица;
- Подобрени услови за живот на населението долж течението на реката Струмица преку одржлив раст и развој.