Идејата за овој проект потекнува од влијанието што го имаат акцелераторските програми и активности врз работната сила и деловните субјекти.
Од една страна деловните субјекти кои вработуваат експерти и инвестираат во активности за образование и обука би можеле побрзо да се прилагодат на предизвиците на социјалната, економската, технолошката и политичката средина. Но, ваквиот начин е многу избрзан и несоодветен, бидејќи сите нови предизвици бараат вмрежување, синергија и оптимизација на постоечките функции и иновативни решенија.
Од друга страна, поединците со високо образование и тренинг бираат можности за вработување во други региони, надвор од прекуграничната област, во потрага по најдобра понуда за квалификациите кои ги поседуваат.
Овој проект создава интегриран еко-систем заснован на следните принципи – знаење, во форма на идентификација на тековните потреби, како на страната на побарувачката, така и на понудата и забрзување, во смисла на зајакнување на развојните активности, преку засилување на желбата за преземање ризици од деловна страна и зајакнување на трансформацијата на идеите во акции на индивидуално ниво.
ГЛАВНА ЦЕЛ е да им се помогне на поединците да ги развијат своите вештини, а на деловните субјекти да го зголемат својот капацитет преку создавање на кохерентен, интегриран и иновативен деловен екосистем кој овозможува вмрежување и зајакнување на идеите со цел да се намали јазот помеѓу понудата и побарувачката на пазарот во прекуграничниот регион.
СПЕЦИФИЧНИ ЦЕЛИ:
- Проширување на знаењето со спроведување на меѓусекторски и квалитетни анкети пропратени со длабински интервјуа, кои ќе дадат една поширока слика за работната сила и трендовите во претприемништвото, а ќе откријат важни слабости на кои ќе се фокусира проектот.
- Поддршка, помош во работењето и поттикнување на нови идеи на постојните мали и средни претпријатија, преку развивање на пакет со алатки со цел зајакнување на сегашните оперативни капацитети (алатки за дигитален маркетинг, ад-хок деловна поддршка, експерти, работилници и семинари за развој и подготовка за идните трендови).
- Отвореност и промоција преку делување истовремено во две насоки и тоа од една страна спроведување на заеднички активности за усогласена презентација и препознатливост на проектот, а од друга страна имплементација на промотивни настани со вклучување на сите засегнати страни и заедницата во прекуграничната област.
РЕЗУЛТАТИ НА ПРОЕКТОТ:
- Олеснување и усогласување на понудата и побарувачката – Серија истражувања спроведени во прекуграничниот регион ќе ги мапираат тековните трендови, силните страни и слабостите на работната сила и ќе обезбедат информации за претприемачките капацитети, вештини и знаења. Компонентата на знаење на проектот ќе го открие степенот на несовпаѓање, како и идните трендови.
- Зајакнување на идеите – Резултатите од проектот, а особено оние кои се однесуваат на спроведените кампови за претприемништво и иновации и самитот на млади лидери, ќе откријат нови идеи, но што е најважно ќе го засилат процесот на трансформирање на идеите во конкретни акции.
- Развој на капацитети и вмрежување – Малите и средни претпријатија ќе имаат директна корист од овој проект со учество во истиот, привлекување млади професионалци, дипломирани и квалификувани експерти и индиректно со тоа што ќе бидат дел од овој еко-систем кој постепено ќе се приспособува кон новата парадигма за прифаќање на ризик и да се биде дел од средина на знаење.
- Стабилност во креирањето на работни места, иновации и можности за сите студенти.