Локалните патишта се од големо значење за развојот на регионалните плански региони, локалната економија, привлекувањето на нови инвестиции, мали бизниси и земјоделски активности. За таа цел потребно е во Југоисточниот плански регион да се создадат неопходни услови за развој, уредување и изградба на локални патишта кои ќе го подобрат животниот стандард.
Овој Проект е особено важен и за посетителите на Колешинските водопади и Моноспитовското Блато бидејќи им создава потешкотии при патувањето до овие туристички локалитети по најразлични временски услови и го продолжува времето на патување. Користењето на овој патен правец исто така предизвикува проблеми за трговците и земјоделците и тоа зголемени трошоци за транспорт и загуби поради намалување на квантитетот на трговските и земјоделските производи.
Проектот ќе се реализира преку Биро за регионален развој, Министерство за локална самоуправа , општина Босилово и општина Ново Село.
Цели на проектот:
- Изградба на дел од локален пат с.Бориево- с.Колешино (прва фаза) во должина од 2200м;
- Соодветен пристап на граѓаните до своите домови, работни места, училишта, земјоделски површини и откупни центри;
- Подобрен пристап до туристичките локалитети во Подбеласичкиот регион;
- Олеснување на пристапот до туристичките локации.
Резултати од проектот:
- Изграден локален пат во должина од 2200м од с.Бориево – с.Колешино ( прва фаза);
- Зголемен број на туристи и зголемен приход од туризам;
- Зголемен број на земјоделци кои ќе го користат патот за подобар пристап до пазарите на големо;
- Подобрена локалната патна инфраструктура во Југоисточниот плански регион;
- Зголемен економски развој во Југоисточниот регион.