Патниот транспорт и инфраструктура играат клучна улога во економскиот развој, зголемувањето на бројот на туристите во регионот, подобрување на комуникацијата меѓу граѓаните од околните населени места, пристапот на земјоделците до своите ниви и до пазарите на големо, развивањето на современа и функционална инфраструктура, како и на животниот стандард на населението.
Целта на овој проект е развој на патна инфраструктура во должина од околу 1390 м што ќе ги поврзува селата Муртино и Еднокуќево.
Подобрената патна инфраструктура ќе овозможи олеснета комуникација помеѓу трите општини, побрз и побезбеден транспорт на патници и стока, а од најголемо значење ќе биде за земјоделците кои секојдневно ќе можат да го користат овој пат со цел полесно пристигнување до земјоделските површини и пренесување на готовите производи до пазарите кои се наоѓаат во близина на микро- регионот.
Изградбата на локалниот пат од с.Муртино до с.Еднокуќево до крајна фаза асфалтирање и негово користење ќе биде од голема важност за граѓаните од овие населени места бидејќи ќе се оствари поголема соработка помеѓу трите општини, како и подобрување на локалниот економски и туристички развој.
Цели на проектот:
- Подобрување на локална патна инфраструктура во Југоисточниот плански регион;
- Подобрување на условите за живот во населените места во овој микро регион;
- Олеснет пристап до откупни пазари и стока;
- Олеснет пристап до туристичките локалитети кои се наоѓаат во близина на овој микро регион;
Резултати на проектот:
- Изградена локална патна мрежа во должина од околу 1390 м која ги поврзува населените места с.Муртино- с.Еднокуќево.