Проектот „Кон прекугранична област, безбедна за срцето“ има за цел да набави нова опрема за итната медицинска помош во прекуграничниот регион меѓу Грција и Северна Македонија. Со набавка на нови амбулантни возила, ЕКГ апарати, дефибрилатори и обуки за здравствени работници и граѓани, ќе се овозможи побрза и поефикасна реакција при срцев удар и други итни случаи.
Проектот „Кон прекугранична област, безбедна за срцето“ има за цел да набави нова опрема за итната медицинска помош во прекуграничниот регион меѓу Грција и Северна Македонија. Со набавка на нови амбулантни возила, дефибрилатори, ЕКГ апарати и обуки за здравствени работници и граѓани, ќе се овозможи побрза и поефикасна реакција при срцев удар и други итни случаи.
Главниот фокус на проектот е зајакнување на здравствениот систем и подобрување на подготвеноста на заедниците во прекуграничниот регион меѓу Грција и Северна Македонија за справување со срцеви удари и итни здравствени случаи.
Клучните цели се подобрување на прекуграничната здравствена заштита преку набавка на современа медицинска опрема, зајакнување на капацитетите на здравствените институции и обуки за прва помош и употреба на дефибрилатори. Дефибрилатори ќе бидат поставени и на трите гранични премини во Југоисточниот регион, со што ќе се обезбеди итна помош и за патниците и за вработените на овие локации.
Центарот за развој на Југоисточниот плански регион има клучна улога во реализацијата на активностите во Северна Македонија. Центарот е одговорен за набавка на
- 4 амбулантни возила
- 18 автоматски дефибрилатори
- 6 полуавтоматски дефибрилатори
- 6 ЕКГ апарати
- Опрема за обука
Во рамки на проектот, Центарот ќе придонесе за подобрување на пристапот до примарната здравствена заштита и зајакнување на капацитетите на локалните заедници во општините Струмица, Гевгелија, Радовиш и Валандово. Со заеднички активности и размена на знаења, проектот создава побезбедни и поотпорни заедници, подготвени за навремено реагирање во итни ситуации. Здравствените работници ќе добијат обуки за основна и напредна животна поддршка (BLS, ILS, ALS), со што ќе се зголеми нивната способност за справување со итни ситуации. Во сите десет општини на регионот ќе се организираат обуки за прва помош при срцев удар за вработените во општините, други институции и локалното население, со што ќе се зголеми свесноста и подготвеноста на граѓаните да реагираат во критични моменти. Ќе се организират следните обуки:
– обука BLS 600 граѓани
– обука B-CON 500 граѓани
– обука ILS 75 учесници
– обука ALS 20 учесници
– обука на обучувачи 25 учесници
Со заеднички активности и континуирана едукација на граѓаните, проектот создава поефикасни системи за итно реагирање, ја зголемува подготвеноста на локалното население за справување со критични ситуации и придонесува за побрза и поуспешна интервенција во случај на итни медицински состојби, со што се обезбедуваат побезбедни и поотпорни локални заедници.
