Проектот опфаќа повеќе меѓусебно поврзани активности за подобрување на комуналните услуги и локалната инфраструктура. Во рамки на проектот, за Општина Струмица е предвидена набавка на специјализирано комунално возило, додека во Општина Василево е предвидена изградба на локален пат во населеното место Старо Владиевци.
Општата цел на проектот е подобрување на квалитетот на живот на населението и зајакнување на одржливиот регионален развој во Југоисточниот плански регион преку унапредување на комуналната и локалната инфраструктура, подобрување на управувањето со отпадот и создавање подобри услови за мобилност и пристапност.
Специфичните цели вклучуваат подобрување на капацитетите за управување со комуналниот отпад во Општина Струмица, подобрување на локалната патна инфраструктура во Општина Василево, намалување на негативните влијанија врз животната средина и подобрување на пристапот до основните услуги за локалното население.
Во Општина Струмица проектот предвидува набавка на специјализирано комунално возило, со кое ќе се зајакнат капацитетите за собирање и управување со комуналниот отпад.
Новото возило ќе овозможи поефикасно извршување на комуналните услуги, подобра организација при собирањето и транспортот на отпадот и подобрување на јавната чистота. Со оваа инвестиција се очекува намалување на ризикот од несоодветно управување со отпадот и диви депонии, како и намалување на негативните влијанија врз животната средина и здравјето на населението.
Во Општина Василево проектот предвидува изградба на локален пат во населеното место Старо Владиевци, во должина од околу 350 метри.
Активноста е насочена кон подобрување на локалната патна инфраструктура и обезбедување подобра мобилност и пристапност за жителите. Подобрената инфраструктура ќе придонесе за побезбедно и полесно движење, подобар пристап до основните услуги и создавање поповолни услови за секојдневниот живот и локалниот економски развој. Како директен резултат во проектната апликација е предвиден изграден локален пат од 350 метри во Општина Василево.
Со реализацијата на проектот се очекува:
Центарот за развој на Југоисточниот плански регион, во партнерство со општините Струмица, Василево и Босилово, го реализира проектот „Модернизација на регионот – набавка на специјализирани возила“, насочен кон подобрување на квалитетот на живот на населението и создавање подобри услови за рамномерен и одржлив регионален развој.
