Проектот „Создравање на прекугранична мрежа помеѓу општинските експерти за програми и проекти во прекуграничниот регион – ПМ-НЕТ“ има јасен прекуграничен каратер и создава иницијални контакти помеѓу општинските експерти и го олеснува протокот на информации кои се однесуваат на минати, сегашни и идни проекти на општините. Со тоа ќе биде достапна јасна оценка на потребите и приоритетите на секоја општина што создава предуслови за размена на искуства и добри практики, како и заеднички развој и управување на идните проекти. Со проектот се развива софтвер за подобро управување и унифицирање на информациите за општинските проекти за создавање на заедничка база на податоци со
завршени, тековни и идни општински проекти; се зголемува експертскиот потенцијал на учесниците во мрежата преку обуки и се создава предуслови за идентификација и подготовка на заеднички проекти кои се однесуваат на целиот прекуграничниот регион.
Цели на проектот:
- Воспоставување на прекугранична мрежа за размена на информации за проектите на општинско ниво;
- Подобрување на ефикасноста во управувањето со проекти, преку развој и користење на специјализиран софтвер.
Очекувани резултати:
- Основна прекугранична мрежа и информациски канал за размена на информации за проектите од општинско ниво;
- Развиен софтвер за управување на проекти;
- Развиена интернет платформа со базата на податоци за општинските проекти.