Подобрување на комуналните услуги во Југоисточниот плански регион преку набавка на возило за општина Богданци

Проектот има за цел подобрување на квалитетот на живот на граѓаните во општина Богданци преку унапредување на системот за управување со отпад. Недостатокот на современа механизација претставува значителен проблем за редовното собирање и транспорт на отпад, што придонесува за создавање на диви депонии и загадување на животната средина.
Со набавката на специјализирано возило за собирање отпад ќе се овозможи поефикасно управување со отпадот, подобра јавна хигиена и одржлива животна средина. Возилото ќе се користи и флексибилно во соседните општини во случаи на потреба, што ќе придонесе кон зголемена меѓуопштинска соработка и поефикасно користење на ресурсите.