Тендерска постапка за Градежни работи за реконструкција на дел од речното корито на река Сушица во општина Радовиш

Референтен број: CB006.2.12.062 – 03

Центарот за развој на Југоисточниот плански регион објавува јавен повик за доделување на договор за јавна набавка „Изведување на градежни работи за реконструкција на дел од речното корито на река Сушица во општина Радовиш“ со финансиска поддршка од Европска Унија преку ИНТЕРРЕГ ИПА Програмата за прекугранична соработка помеѓу Република Бугарија – Р. Северна Македонија Тендерската документација е достапна на увид во просториите на Центарот за развој на Југоисточниот плански регион, бул. Маршал Тито бр. 1 (1-ви спрат), Струмица, Р.С. Македонија и е објавена на следниве веб страни:

http://www.rdc.mk/southeastregion/ и http://www.ipa-cbc-007.eu/bg/public-tenders.

Крајниот рок за доставување на понудите е до 16.00 часот (локално време), на 18.03.2020 година.

Дополнителни информации или појаснувања ќе се објавуваат на следниве веб страни: http://www.rdc.mk/southeastregion/ и http://www.ipa-cbc-007.eu/bg/public-tenders.

Комплетната тендерска документација може да ја преземете од следниот линк: http://www.ipa-cbc-007.eu/public-tenders/tender-procedure-works-regulation-part-riverbed-river-sushica-municipality-radovish.

Интегриран оперативен центар за хуманитарна помош – HELP

Специфични цели:

Да се прошират севкупните регионални и национални капацитети за обезбедување на хуманитарна помош, врз основа на заедничките предизвици кои треба да се решат;
Да се воспостават мрежи и структури за соработка во прекуграничниот регион со цел да се зајакне трансферот на знаење, искуството и експертизата во планирањето, организирањето и извршувањето на операциите за итна помош;
Да се демонстира функционалноста на контејнерот пред сите засегнати страни и да се обучат истите како се користи;
Да се спроведат јавни кампањи за обука на граѓаните во случај на вонредна состојба и да се промовира регрутирањето на социјалните медиуми со цел да се вклучат граѓаните како волонтери.

Изработка на урбанистички планови

Врз основа на Програмата за финансиска поддршка на руралниот развој за 2015 година од Агенцијата за финансиска поддршка во земјоделството и руралниот развој одобрени се финансиски средства за изработка на урбанистички планови за 21 населено место во 8 општини во Југоисточниот плански регион.

Урбанистичките планови ќе бидат изработени согласно Законот за просторно и урбанистичко планирање (Сл. Весник на РМ бр. 199/14 и 44/15) и други законски решенија од областа на геодетските работи, животна средина.

Во рамките на овој проект ќе се изработи Геодетска подлога, Планирање на просторот, Урбанистички план, Ревизија на урбанистички план и Стратешка оцена за влијанието на животната средина поединечно за секое 21 населено место.

Цели на проектот:

Изработка на Геодетска подлога, Планирање на просторот, Урбанистички план, Ревизија на урбанистички план и Стратешка оцена за влијанието на животната средина за следниве населени места:

с. Босилово, с. Моноспитово, с. Дрвош, с. Бориево – о. Босилово;
с. Владевци, с. Анѓелци – Градашорци, о. Василево;
с. Милетково, с. Моин, с. Давидово – о. Гевгелија;
с. Нов Дојран – о. Дојран;
с. Дедино, с. Лубница, с. Габревци – о. Конче;
с. Борисово, с. Мокрино, с. Старо Коњарево – о. Ново Село;
с. Дамјан, с. Ињево, с. Подареш – о. Радовиш;
с. Дабиље, с. Добрејци – о. Струмица.

Резултати од проектот:

Изработени урбанистички планови за село за 21 населено место во 8 општини во Југоисточниот плански регион со кои понатаму ќе се овозможи организирано планирање на просторот во самите населени места.

Интегриран пристап во развојот на туризмот на Југоисточниот плански регион

Развојот на туризмот е важен развоен приоритет на Југоисточниот регион затоа што нуди бројни можности за развој на бизниси и нови работни места, но и затоа што ја поддржува целта на регионалниот развој во извозот и директните инвестиции. Економскиот бенефит е огромен за луѓето кои работат во овој сектор и за секоја општина.

Конкретната цел е да се воспостават основни предуслови за регионален пристап во развојот на туризмот во Југоисточниот плански регион до крајот на 2010 година, со што ќе придонесе во подобрување на условите за живот на граѓаните од регионот, зголемен број на туристи и зголемен приход од туризмот.

Со проектот ќе се изработи Студија за развој на туризмот во целиот регион во која ќе се идентификуваат сите туристички потенцијали и истата ќе се фокусира на принципот на одржлив развој кој предвидува искористување на потенцијалите без негативно влијание врз животната средина и природата. Ќе се изработи промотивен материјал, туристичка сигнализација и ќе се формира регионално тело за управување со туризмот.

Проектот ќе даде насоки за одржлив развој на туризмот, ќе биде основа за понатамошни развојни проекти, а воспоставеното регионално тело ќе ги координира сите активности кои се во рамките на проектот.

Цели на проектот:

Подобрување на условите за живот, особено на граѓаните кои директно или индиректно се вклучени во туризмот;
Зголемен приход од туризмот во регионот;
Зголемен број на домашни и странски туристи во регионот.

Резултати од проектот:

Изработена студија за развој на туризмот;
Туристички промотивен материјал;
Подобрена туристичка сигнализација;
Формирано регионално тело за развој на туризмот.

Тендерска постапка за Градежни работи за реконструкција на дел од речното корито на река Сушица во општина Радовиш