Skip to content

ОДРЖАНА VIII (ОСМАТА) СЕДНИЦА НА СОВЕТОТ ЗА РАЗВОЈ НА ЈУГОИСТОЧНИОТ ПЛАНСКИ РЕГИОН

ДАТУМ

мај 1, 2022

Категории

Советот за развој на Југоисточниот плански регион на 28.04.2022 година во општина Богданци ја одржа VIII (осмата) Седница.

Гости на оваа седница беа претставници од Швајцарската Амбасада кои го презентираа проектот „СМАРТ Систем за управување со отпад“ кој го имплементира Швајцарската Агенција за развој и соработка во партнерство со ПАКОМАК. Проектот предвидува поставување на СМАРТ сензори на сите игло контејнери во 40 општини од Република Северна Македонија, како и поставување на повратни вендинг машини за рециклирање на пластични шишиња и лименки.

Од страна на надворешен експерт на седницата беа презентирани предлог-концептите ,кои на партиципативен начин беа предложени и разработени за време на Форумските сесии, за кои Центарот за развој на Југоисточниот плански регион ќе поднесе проектна документација до Министерството за локална самоуправа – Биро за рамномерен регионален развој за финансирање преку Програмата на Бирото за рамномерен регионален развој за 2022. Градоначалниците едногласно донесоа одлука за утврдување на Листа на регионални предлог- проекти за развој на Југоисточниот плански регион за 2022 година со индикативно планирани средства за 2023 година, a дел од листата за оваа година се следните проекти:

1.Туризмот – иднината на регионот;

2.Културното богатство – наследство за идните генерации;

3.Јакнење на капацитетите на ЕЛС преку изработка на комплетни технички документации.

 

Споделeте:

Email
Facebook
Twitter
LinkedIn
WhatsApp
Telegram

No comment yet, add your voice below!


Add a Comment

Вашата адреса за е-пошта нема да биде објавена. Задолжителните полиња се означени со *

I accept the Privacy Policy