Проектот ќе го зголеми знаењето и свеста за одржливо живеење, за влијанието врз животната средина, како и за придобивките од одржливите енергии. Со подобрувањето на условите во детската градинка, ќе се намали енергетскиот отпад,
Инсталирање на обновливи енергетски извори и подобрување на енергетската ефикасност во Струмјани и Василево
Со проектот се предвидува енергетски ефикасно осветлување во Струмјани и спроведување на енергетски ефикасни градежни активности, како и осветлување во општина Василево. Со проектот ќе се едуцира и јавноста за прашања од животната средина и истиот се очекува да ја зголеми инклузивноста и грижата за животната средина.
Зелени детски градинки за одржлива иднина (Зелени детски градинки)
Проектот има за цел заштита на животната средина и одржливa употреба на заедничките природните ресурси во областа на прекуграничната соработка и придонесува кон инвестирањето во зелена инфраструктура и енергетско образование во прекуграничниот регион, конкретно во градинките и кај децата од предучилишна возраст.
Промовирање на децентрализирано производство на енергија од обновливи извори на енергија (EnerGain)
Проектот има за цел да го поддржи формирањето на интегриран пристап во прегуграничната област во делот на децентрализирано производство на енергија од обновливи извори и воведување на решенија за енергетска ефикасност.
Прекугранично партнерство за заштита на животна средина и подобар квалитет на живот (Waste EDU)
Проектот има за цел да се подобри управувањето со отпадот и спречување на загадувањето во прекуграничната област , подобрувајќи ги знаењата во врска со негативното влијание од несоодветно управување со отпадот, последици за животната средина и животот.
Евалуација на мерењата за енергетска ефикасност
Општа цел на проектот е имплементација на мерки за енергетска ефикасност во јавните згради со кои раководат единиците на локалната самоуправа во пограничниот регион.
ЦРЈИПР ОРГАНИЗИРАШЕ РАБОТИЛНИЦА НА ТЕМА „РАЗВОЈ НА СОЦИЈАЛНИТЕ УСЛУГИ ВО ПЛАНСКИТЕ РЕГИОНИ“
На 5-ти ноември 2024 година, во хотел „Сириус“, беше одржана работилница на тема „Развој на социјални услуги во планските региони“, организирана од Центарот за развој на Југоисточниот плански регион, во рамките на проектот „Одржлив и инклузивен рамномерен регионален развој – фаза 2“.
На настанот учествуваа претставници од сите десет општини од Југоисточниот регион, активни во областа на социјалната заштита, како и директорите на Центрите за социјална работа, претставници на Црвениот крст и невладини организации.
Во своето обраќање, Г-н Ристо Манчев, Претседател на Советот за социјална заштита на Југоисточниот регион, ја истакна важноста на развојот на мрежа на социјални услуги што ќе ги задоволат потребите на граѓаните и ќе поттикнат инклузивен и одржлив развој. „Важно е да ги препознаеме специфичните потреби на различни групи – од деца и младинци, преку лица со попреченост, до постарите генерации,“ додаде тој.
Учесниците дадоа активен придонес преку работа во групи и решавање на практични задачи, создавајќи продуктивна работна атмосфера.
Одржана XXIX Седница на Советот за развој на ЈИПР
На 31.10.2024 година се одржа XXIX Седница на Советот за развој на ЈИПР во просториите на Центарот за развој на ЈИПР.
На оваа седница беа донесени Одлуки за согласност за аплицирање и имплементација на вкупно четири предлог проекти преку Интеррег ИПА Програмата за прекугранична соработка помеѓу Грција – Република Северна Македонија 2021-2027.
Исто така беа донесени и Одлуки за примопредавање на три објекти кои беа имплементирани од страна на ЦРЈИПР, а финансирани од Програмата на Биротот за регионален развој за 2023 со индикативно предвидени средтва за 2024 година. Со овие проекти беше реконструирано подрачно основно училиште „Кирил и Методиј“ во с.Секирник – Босилово, изграден пат во должина од 280 км и набавена опрема за филтер станица, двете во општини Василево.
Согласно обврските на Центарот, беа дадени и позитивни мислења за потпишаниот Колективен договор и за измена и дополнување на Правилникот за плати.
Беше избран и нов претседател на Советот за развој на ЈИПР, Г-н Ѓорѓе Божинов, градоначалник на општина Ново Село.
Југоисточниот плански регион со прва сеопфатна техничка документација за поставување брзи полначи за електрични возила
Со поддршка од проектот „Јакнење на општинските капацитети за имплементација на проекти“, Југоисточниот плански регион изработи сеопфатна техничка документација за поставување на брзи полначи за електрични возила. Документацијата опфаќа 20 одделни проекти за сите 10 општини во регионот – Струмица, Радовиш, Василево, Конче, Гевгелија, Валандово, Дојран, Богданци, Босилово и Ново Село.
Ова е првиот сеопфатен проект од ваков вид во регионот и во државата, соопштуваат од Центарот за развој на Југоисточниот плански регион. Документацијата ќе послужи како основа за обезбедување на инвестиции за одржливи транспортни решенија на територијата на овие општини.
„Нашата следна цел е, преку координирани напори со општините и надлежните државни институции, да обезбедиме потребни финансиски средства за постепена изградба на е-полначите на предвидените локации. Поставувањето на овие брзи полначи од 150 kw и можност за нивно проширување до 220 kw, ќе отвори нови можности за развој на туризмот во Југоисточниот плански регион, привлекувајќи поголем број туристи кои користат електрични возила. Дополнително, оваа инфраструктура ќе игра значајна улога во намалување на загадувањето, подобрување на квалитетот на живот и зголемување на употребата на чиста енергија, што ќе придонесе кон еколошки и економски напредок на регионот“ – изјави г-нот Ѓоко Камчев, Директор на Центарот за развој на Југоисточниот плански регион.
Проектот „Е-полначи за електрични возила: техничка документација“ е реализиран со поддршка од Фондот за техничка документација. Овој фонд е воспоставен како инструмент за финансиска и техничка поддршка во управувањето со инфраструктурни проекти, како дел од проектот на УНДП (UNDP MK)„Јакнење на општинските капацитети за имплементација на проекти“, кој се спроведува во партнерство со Министерство за локална самоуправа, преку финансиска поддршка обезбедена од Шведска (Embassy of Sweden in Skopje) и Бирото за регионален развој. Дел од финансиските средства беа обезбедени и од општините во Југоисточниот регион.
Министерот за локална самоуправа во посета на Југоисточниот регион
Министерот за локална самоуправа, Златко Перински, заедно со директорот на Бирото за регионален развој, Даут Мемиши, ги посетија локациите на кои што се имплементирани проектни активности во рамките на два проекти финансирани преку Програмата за рамномерен регионален развој, со цел да направат увид во постигнатите резултати.
Во рамките на проектот „Југоисточниот регион – можност за нови туристички авантури“, дел од активностите вклучуваат реконструкција и поставување на нова урбана опрема на Смоларските водопади и излетничкиот локалитет Пирго кај Мокриево, во општина Ново Село преку изградба на нови пешачки патеки, санација на дрвените огради и поставување нов пешачки мост пред водопадите. На Пирго се изградени нови летниковци, проширен е капацитетот на постојниот амфитеатар, поставени се детско катче и ново одбојкарско игралиште на песок.Continue reading