На 14.05.2024 година беше одржана XXVI седницата онлајн на платформата ЗООМ.
На дневен ред беа ставени точки за примопредавање на фотоволтаичен систем инсталиран на спортската сала и училиштето „Крсте Петков Мисирков“ во Радовиш, за кои средства беа обезбедени преку Грантовата шема. Исто така беше добиена и согласност за склучување на анекс на Договор за вработување на определено време.
Се известуваат граѓаните од општините во Југоисточниот регион, дека на 29 Април 2024 година, во периодот од 09.00 до 16.00 часот ќе се врши ларвицидна дезинсекција и тоа во следниве општини:
– Валандово, Дојран, Радовиш, Конче, Ново Село, Босилово, Василево, Струмица.
Доколку временските услови се неповолни, дезинсекцијата ќе се изврши кога временските услови ќе бидат подобрени.
Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.
На ден 27.03.2024 година (среда), во просториите на Центарот за развој на ЈИПР се одржа XXV седница на Советот за развој на ЈИПР.
На оваа седница беа донесени: Одлука за усвојување на Годишниот извештај за спроведување на Програмата за развој на Југоисточниот плански регион за 2023 година, Одлука за усвојување на Годишните завршни сметки на Центарот за развој на Југоисточниот плански регион за 2023 година и Одлука за усвојување на Извештајот од извршен попис на Центарот за развој на Југоисточниот плански регион за 2023 година.
На седницата Директорот, зедно со вработените ги презентираше Годишниот извештај и Завршните сметки за 2023 година, со што присутните членови на Советот имаа можност да се запознаат со сите имплементирани проекти во 2023 година, како и приходите и расходите и останатите финансиски ставки кои беа детално разложени.
На 06.03.2024 година (среда), се одржа XXIV седница на Советот за развој на ЈИПР. Седницата беше одржана преку онлајн вклучување на платформата ЗООМ со почеток во 15:00 часот.
На оваа седница беа донесени одлуки за примопредавање на два реконструрина домови на културата во с.Моин, о.Гевгелија и с.Лубница, о.Конче, на кои се изврши реконструкција во рамки на проектот „Културно богатство – наследство за идните генерации“. Исто така беа предадени и две патеки и тоа: рекреативна патека од населено место Пирава до манастир Св.Ѓорѓи, во општина Валандово, изградена во рамки на проектот „Туризмот – иднината на регионот!“ и туристичка патека од Манастир Св. Ѓорѓи до Исар Кула, општина Валандово, во рамки на проектот „Збогатување на туристичката понуда на Југоисточниот плански регион“.
Беше донесена и Одлука за взаемна активност на општините за вршење на дезинсекција на комарци на територијата на Југоисточниот регион за 2024 година.
Проектот „Паметна електрична енергија за згради“ – Центар за стручна извонредност има за цел да развие Центри за стручно усовршување во областа на паметната електрична енергија за згради, кои ќе ги поддржат регионалните специјализации и ќе создадат хабови на знаење за извонредност во стручното образование.
Трите општини од овој регион (Струмица, Конче и Василево) се договорија партнерски своите активности да ги насочат кон заштита и унапредување на животната средина преку подобрување на комуналната инфраструктура и системите за прифаќање на атмосферските и отпадните води.
Со промена на кварцниот песок за прочистување на водата во пречистителната станица, како и поставување на дополнителна опрема, жителите ќе го решат еден од најголемите проблеми со кој се соочуваат и ќе добијат безбедна вода за пиење во о.Василево.
Уредување на поројот „Крушевска Република до улив во река Тркајна“ е проект со кој о.Струмица ќе придонесе за намалување на влијанието и загадувањето од атмосферските и отпадни води како во централното градско подрјаче така и во периферните делови на градот.
Активностите во проектот предвидуваат доизградба на постоечкиот колектор од ревизионата шахта означена како (РШ1) во проектот и изградба на пречистителна станица за село Ракитец, о.Конче.
Резултати
Во Југоисточниот плански регион постојат можности за развој на широк спектар на туристички активности поврзани со повеќе видови на туризам.
Со овој проект во општина Василево ќе се изгради современа инфраструктура во должина од 280 м и ќе се овозможи лесен пристап до прекрасниот манастир „Свети Ѓорги“ кој е опкружени со природни убавини и ќе стане привлечно место за посета не само од страна на локалното население, туку и на голем број туристи кои посетувајќи ги другите манастири во Југоисточниот регион ќе го посетат и манастирот во с. Дукатино.
Во општина Богданци со реконструкција на патниот правец во должина од 760 метри – с.Стојаково – с.Ѓавото (втора фаза),ќе овозможи зголемена промоција на туристичката понуда на регионот со тоа што овој пат води до црквата „Успение на Пресвета Богородица“
Реконструкцијата и поплочување на постоечките патеки, обновување на старата и поставување на нова ограда на местата каде истата не е поставена, поставување на 1 нов дрвен мост, поставување на 5 метални конструкции за паркинг на велосипеди, поставување на 2 сообраќајни знаци, 4 информативни табли, 20 корпи за отпадоци и 15 монтажни клупи на туристички локалитет Смоларски водопади ќе му дадат нов урбан дух.
На излетничкото место Пирго ќе се изврши реконструкција на постоечките и поставување на 2 нови летниковци, одбележување на паркинг место, поставување на 5 детски реквизити на детско игралиште, изградба на 1 одбојкарско игралиште, 1 традиционална фурна, 15 корпи за отпадоци, 3 информативни табли, 5 паркинг конструкции за велосипеди и 1 сообраќаен знак, како и реконструкција и доградба на амфитеатарот каде туристите и локалното население ќе можат да добијат прекрасно место каде активно ќе го поминат слободното време опкружени со исконската убавина на планината Беласица.
Резултати
-Подобрување на состојбата со патна инфраструктура во регионот;
-Развивање на туризмот и зголемување на туристичката понуда во регионот;
-Зголемување на понудата на излетнички места од регионот каде граѓаните ќе можат да го минат слободното време.
Преку овој проект се предвидува реконструкцијата и рехабилитацијата на патеката кое опфаќа машинско чистење на теренот со дрвја, корења и шут, вадење на бекатон плочките со чистење и повторно вградување на истите, бетонирање на повеќе оштетени делови од бетонски потпорни ѕидови, обележување на хоризонтална и вертикална сигнализација, поставување на нови клупи за седење и нови корпи за отпадоци. Со реконструкција на пешачката и велосипедската патека, ќе се добие современ изглед и ќе се подобрат условите што ги нуди општина Дојран како едно важно туристичко место.
Резултати:
Во просториите на ЦРЈИПР се одржа XXIII (дваесет и третата) седница на Советот за развој на Југоисточниот плански регион на ден 25.12.2023 година (понеделник).
На седницата, беше одобрен финансискиот план на ЦРЈИПР за 2024 г., а исто така беше презентиран и Акциониот план за сегашни и идни проекти. Исто така беа донесени две согласности за вработување на неопределено и определено време за две работни позиции согласно систематизацијата на Центарот, а беше донесена и Одлука за бодот за плати за 2024 година.
Исто така истиот ден беше одржана и третата Седница на Советот за социјална заштита на кој беше избран нов претседател со манадат од една година. За претседател беше избран Г-н Ристо Манчев, градоначалник на о.Босилово.
XXII (дваесет и втората) седница на Советот за развој на Југоисточниот плански регион се одржа на ден 07.12.2023 година (четврток), во просториите на ЦРЈИПР, со почеток во 15:00 часот.
На оваа седница експертот ги презентираше cost benefit анализа за аплицирање на проекти преку Програмата за рамномерен регионален развој за 2024 година со индикативно планирани средства за 2025 година на МЛС/БРР и беше составена Листа на предлог проекти од страна на Советот.
Листата беше составена од следните проекти:
1.Создавање на модерна патна мрежа во Југоисточниот плански регион;
2.Зајакнување на туризмот: визија за подобар регион;
3.Современ простор за културен развој
4.Модернизација на Регионот – набавка на две специјализирани возила
