Реконструкција и санација на локален патен правец клучка Карбино на М-6 (Струмица – Штип) до населено место Добрашинци

Локалниот патен правец клучка Карбино на М-6 до населено место Добрашинци се протега кон североисток во должина од 5000 метри. Патот е предвиден за двонасочен сообраќај по две
коловозни ленти за сите видови на моторен,велосипедски,пешачки и запрежен сообраќај.
Во текот на експлоатацијата патот е доста оптеретен бидејќи поминува низ активен земјоделски регион и истиот води кон комуналната депонија на општина Струмица и Василево каде секојдневно се врши одвоз на смет со тешки специјализирани возила.
Особено значајно е што оваа делница е пристапен пат до регионалната депонија „Добрашинци“ која ќе се гради на место на постојната депонија. Регионалната депонија е од особено значење бидејќи ќе биде прва од ваков вид во Македонија, а ќе ги опслужува општините од целиот Југоисточен регион.

Цели на проектот:

• Подобрување на локалната патна инфраструктура во во Југоисточниот плански регион.
• Подобрување на условите за живот на граѓаните во овој микро регион
• Подобри стартни позиции при распишување на јавниот повик за изградба на регионалната депонија ,,Добрашинци”

Резултати од проектот:

• 
  Реконструиран патен правец од клучка Карбино на регионалниот пат М6 до Добрашинци и регионалната депонија во должина од 3918 метри.

Смоларскиот водопад кој е прогласен за споменик на природата и целосно е регулиран начинот, режимот на користиње и одржување на истиот и е внесен во Туристичкиот водич на Велика Британија, што значи посетеноста на истиот не е само од домашни туку и од туристи од земјите од Европа. Општина Ново Село и Југоисточниот регион во рамките на своите можности извршија уредување и го направија истиот достапен за сите љубители на природата и природните убавини.
За сето тоа да биде овозможено неопходно е изградба на објекти за одмор и рекреација на туристите кои ќе овозможат целосно уживање во благодетите кои ги створила природата.
Како споменик на природата во неговото подрачије,посебно е водено грижа за зачувување на животната средина, особено во делот каде што ќе се изведуват активности за уредување на просторот, каде што за изградба на објекти во зоната на активно управување исклучиво да се употребуват природни материјали (камен и дрво) како што е предвидено и со овој проект.
Со целосна реализација на активностите предвидени со проектот ќе бидат создадени реални услови за економски развој на планскиот регион, бидејќи со изградбата на објектите за одмор и рекреација се отвараат реални можности за зголемување на бројот на туристите што значи реално се зголемени можностите за поголем економски бенифит како кај локалните заедници така и кај општините, а со тоа и поголем економски развој на планскиот регион.

Цели на проектот:

• Развој на селскиот и еко-туризам;
• 
  Подобрување на економската состојба на локалните заедници;
• 
  Зголемување на бројот на туристи;
• 
  Дополнителен приход во оштинските буџети;
• 
  Подобрување на туристичката понуда;
• 
  Подобрување на туристичката инфраструктура во ЈИПР.

Очекувани резултати:

• 
  Изградени објекти за одмор и рекреација
• 
  Создадени услови за економски развој на планскиот регион
• 
  Зголемена посетеност на туристи во планскиот регион

Во Југоисточниот плански регион земјоделско-прехрабениот сектор е водечка стопанска гранка, а во вкупното земјоделство во Македонија како регион е прв и најзначаен во градинарското производство, а втор по значење во тутуно производство и лозарството.
Во отсуство на сертификациони тела за производи во земјоделско-прехрамбениот сектор, деловните фирми кои се претежно извозно ориентирани се изложени на големи трошкови во ангажирањето на надворешни-странски акредитирани сертификациони тела во издавањето на потребните сертификати.
Со формирање на Центарот за сертификација на земјоделско – прехрамбени производи и со отпочнување со работа на сертификационо тело ќе се овозможи да производителите на земјоделско прехрамбените производи побрзо се прилагодуваат кон критериумите и условите што се применуваат во агрокомплексот во земјите членки на ЕУ, а со тоа ќе се подобри економската ситуација и квалитетот нa животот на луѓето кои директно или индиректно зависат од развојот на земјоделско – прехрамбениот сектор.

Цели на проектот:

• Подобрување на условите за добивање на мегународни сертификати на земјоделско-
  прехрамбените производи од регионот;
• Зголемување на нивната конкурентност на мегународниот пазар.

Очекувани резултати:

• Раст на земјоделското производство
• Извоз на земјоделските производи
• Извоз на индустриските производи

Југоисточниот плански регион има голем туристички потенцијал, со многу туристички локации и можност за развој на туристичката економија. Како дел од туристичкиот потенцијал на регионот е и Гевгелиско-Валандовскиот микро регион. Со овој проект се предвидува да се развијат туристичките потенцијали на локалитетот Паљурци, во општина Богданци.

*Цели на проектот 

• Креирање на дополнителни содржини и понуди за досегашните вообичаени и казино туристи во регионот и продолжување на нивниот престој (како крајна цел)
• Уредување на просторот околу вештачкото езеро Паљурци
• Зголемување на туристичката понуда во регионот и поттикнување на развојот во руралните области
• Создавање на поврзани и заеднички понуди од рурални, културно-историски, плански и спортски
  туризам
• Поддршка во спроведување на Програмата за развој

*Резултати од проектот

• Паљурци, како едно од главните туристички атракции е промовирано
• Областа околу вештачкото езеро е обновена, исчистена и уредена, наместена со урбана опрема
• Создадени се подобри услови за подолг престој на туристите
  во регионот
• Зголемен број на посетители и туристичка понуда во руралните области од Југоисточниот плански регион
• Подобрена соработка помеѓу јавниот и приватниот сектор, општините, НВО и граѓанскиот сектор, особено во врска со одржливоста на резултатите од овој проект
• Даден е придонес за подобрување на економската ситуација и зголемување на потенцијалите за идните домашни и странски инвеститори

Во 1978 и 1979 година изготвен е главен проект за изградба на Брана „Конско“ со придружни објекти, која брана треба да ги реши проблемите на овој микрорегион. Со овој проект треба да се изработи ревизија на веќе постоечкиот проект и да се приспособи на денешните пазарни вредности.

Цели на проектот:

• Изградба на Брана „Конско“ со придружни објекти;
• Подобрени услови за животот на населението во општините Дојран, Гевгелија и Богданци;
• Обезбедени доволни количества на вода за пиење за трите општини;
• Развој на земјоделието како една од основните егзистенционални стопански гранки во трите општини;
• Развој на туризмот и збогатување на туристичката понуда;
• Подобрување на енергетската состојба на регионот.

Резултати од проектот:

• Ревидиран главен проект за изградба на Брана „Конско“ со придружни објекти.

Подолг временски период заради промена на климатските услови кои имаат директно влијание на состојбата на изворите на вода, како и развојот на стопанските дејности, инфраструктурата и навиките на населинието во овој микро-регион има доста проблеми во редовното водоснабдување со вода за пиење и наводнување и тоа во зависност од годишното време и ноќната и дневната потрошувачка.

Со овој проект се предвидува да се даде решение за квалитетно микро-регионално водоснабдување на вода за пиење, наводнување на земјоделските површини и обезбедување на техничка вода за стопанството и индустријата.

Цели на проектот:

• Зафаќање на дел од водите на река Смилјанска и изградба на цевковод во должина од 28,95 км до акумулацијата на брана Мантово, за зголемување на количините на вода за 7-8 милиони метри кубни;
• Наводнување на земјоделските површини во зависност од потребите на засадените култури во површина од 5.200 ха од општините Радовиш, Конче и Василево;
• Обезбедување на квалитетното водоснабување на вода за пиење на жителите од општината Радовиш и околните општини;
• Обезбедување на техничка вода за потребите на стопанството во општината Радовиш;
• Можности за искористување на водниот капацитет од акумулацијата на брана Мантово за производство на електрична енергија;
• Овозможување на предуслови за развој на туризмот на вештачкото езеро Мантово и микро-регионот;
• Подобрен биолошки баланс помеѓу флората и фауната;
• Подобрување на условите за живеење на населението.

Резултати од проектот:

• Извршени геодетски мерења на трасата;
• Извршени геолошки истражувања на трасата;
• Изработен идеен проект;
• Извршена ревизија на основниот проект за зафаќање на дел од водите на река Смилјанска за дотур на вода во акумулацијата на брана „Мантово“.