ОДРЖАНА XVII (СЕДУМНАЕСЕТТАТА) СЕДНИЦА НА СОВЕТОТ ЗА РАЗВОЈ НА ЈИПР

На 16.05.2023 година (вторник), во општина Дојран со почеток во 13:30 часот, се одржа XVII (седумнасеттата) Седница на Советот за развој на Југоисточниот плански регион.

На оваа седница беа донесени две одлуки за изработка, аплицирање и имплементација на проекти преку повик за поднесување на предлог проекти од страна на УНДП и Бугарската амбасада.

Исто така беа отворени и две дискусии од кои едната се однесуваше на информации за за третирање против комарци  на териториите на општините во Југоисточниот плански регион по земјен, а другата за за одржливоста и функционирањето на агрометролошките станици кои беа поставени во рамките на проектот „Агрометролошки станици за заштита на земјоделските култури и животна средина“.

На 03.02.2023 година со почеток во 11:00 часот беше одржана XV (петнаесетата) седница на Советот за развој на ЈИПР. Оваа седница беше одржана online.

На седницата точка на дневен ред беше донесување на Одлука за взаемна активност на општините за вршење на дезинсекција на комарци на територијата на Југоисточниот плански регион за 2023 година. Се донесе заклучок во зададен рок да се распише јавна набвака за прибирање на понуди.

На 28.12.2022 година во општина Радовиш беше одржана седницата на Советот за развој на ЈИПР на која беа присутни 13 учесници и надворешниот експерт Г-н Тихомир Петрески ги презентираше cost benefit анализите за концепт решенијата, а потоа членовите на Советот се договорија околку приоритизацијата на Предлог-Листата. На дневниот ред на Седницата беа усвоени и Акциониот план за 2023 година и Финансискиот извештај на Центарот.

На 23.11.2022 година беше одржана седница на Советот за развој на ЈИПР. На оваа седница беа донесени Одлуки за покачување на платите на вработените во ЦРЈИПР и Одлука за вработување на еден извршител (хигиеничар) и еден координатор за имплементација на проекти, Исто така на оваа седница им беа пренесени заклучоците и приоритетните области кои произлегоа од одржаните форумски сесии. Беше избран нов Претседател на Советот, Г-н Ацо Ристов, градоначалник на општина Радовиш.

На 13.11.2022 година се одржа тринаесетата седницата на Советот за развој на ЈИПР на која беа присутни 12 учесници, а истата беше одржана online. Надворешниот експерт Тихомир Петрески ги презентираше предлог концептите кои произлегоа од првата форумска сесија пред членовите на Советот кои крајната одлука ќе ја донесат по завршувањето на втората форумска сесија.

На 06.10.2022 година во општина Гевгелија беше одржана единаесетата седница на Советот за развој на ЈИПР. На оваа седница беа донесени Одлуки за преотстапување на пешачка патека во општина Дојран и преотстапување на пристапниот пат до регионалниот стационат во општина Струмица. Исто така беше донесена Одлука за избор на Директор и преостапување на две возила за заловени бездомни животни на општина Струмица.

На 22.07.2022 година во општина Босилово се одржа десетата седница на Советот за развој на ЈИПР. На оваа седница беа донесени одлуки за изменување на Правилникот за внатрешна организација на Центарот за развој на ЈИПР, како и давање на позитивно мислење на Правилникот за плати и надоместоци на вработените и Правилникот за систематизација на работни места во стручната служба. Исто така беше донесена и Одлука за назначување на вршител на должност директор, како и Одлука за распишување на јавен оглас за избор на Директор и формирање на комисија за селекција на кандидати за избор на Директор.

На 15.07.2022 година Советот за развој на Југоисточниот плански регион одржа седница во општина Ново Село. На оваа седница беше донесена Одлука за примопредавање на објект (речно корито на р.Сушица) изграден во рамките на проектот „Заеднички мерки за спречување на последиците од катастрофи во општините Сандански и Радовиш“.

Советот за развој на Југоисточниот плански регион на 28.04.2022 година во општина Богданци ја одржа VIII (осмата) Седница.

Гости на оваа седница беа претставници од Швајцарската Амбасада кои го презентираа проектот „СМАРТ Систем за управување со отпад“ кој го имплементира Швајцарската Агенција за развој и соработка во партнерство со ПАКОМАК. Проектот предвидува поставување на СМАРТ сензори на сите игло контејнери во 40 општини од Република Северна Македонија, како и поставување на повратни вендинг машини за рециклирање на пластични шишиња и лименки.

Од страна на надворешен експерт на седницата беа презентирани предлог-концептите ,кои на партиципативен начин беа предложени и разработени за време на Форумските сесии, за кои Центарот за развој на Југоисточниот плански регион ќе поднесе проектна документација до Министерството за локална самоуправа – Биро за рамномерен регионален развој за финансирање преку Програмата на Бирото за рамномерен регионален развој за 2022. Градоначалниците едногласно донесоа одлука за утврдување на Листа на регионални предлог- проекти за развој на Југоисточниот плански регион за 2022 година со индикативно планирани средства за 2023 година, a дел од листата за оваа година се следните проекти:

1.Туризмот – иднината на регионот;

2.Културното богатство – наследство за идните генерации;

3.Јакнење на капацитетите на ЕЛС преку изработка на комплетни технички документации.