Врз основа на член 7 од Одлуката за основање на Центарот за развој на Југоисточниот плански регион и членовите 22 и 23 од Законот за работни односи (Пречистен текст Сл. Весник на РМ бр. 167/15, 27/16, 120/18 и 110/19), а согласно Правилникот за систематизација на работните места во стручната служба на Центарот за развој на Југоисточниот плански регион, Директорот на Центарот за развој на Југоисточниот плански регион објавува:
ЈАВЕН ОГЛАС
за вработување
Центарот за развој на Југоисточниот плански регион има потреба од вработување на еден извршител на половина работно време на следното работно место:
- Хигиеничар
Кандидатите треба да ги исполнуваат следните општи услови за вработување според Законот за работни односи:
– да е државјанин на Република Северна Македонија,
– да е полнолетен,
– да има општа здравствена способност за работното место,
– со правосилна судска пресуда да не му е изречена казна забрана на вршење на професија, дејност или должност, и
– активно да го користи македонскиот јазик;
Кандидатите треба да ги исполнуваат следните посебни услови за вработување според Законот за работни односи:
- Завршено основно образование;
- Со или без работно искуство.
Кандидатите треба да приложат:
- Документи за исполнување на општите услови согласно Законот за работни односи;
- Диплома за завршено основно образование.
Огласот е отворен 8 (осум) работни дена од денот на објавувањето, вклучувајќи го и денот на објавувањето. Работодавачот ќе изврши избор на кандидат во рок од 15 работни денови по истекот на рокот за пријавување.
Основна нето плата: 9.837,00 денари. Работни часови неделно: 20 часа.
Работно време од 14:00 до 18:00 часот. Работни денови: од понеделник до петок.
Потребните документи за вработување да се достават на адреса:
Центар за развој на Југоисточниот плански регион
Бул. Маршал Тито бр.1-1,
2400 Струмица
со назнака: ЗА ЈАВЕН ОГЛАС
Центар за развој на
Југоисточниот плански регион
Директор
Ѓоко Камчев
No comment yet, add your voice below!