На XXIII Седница на Совет на ЈИПР утврдена годишната листа на приоритетни проекти за 2021 година

На 15.12.2020 година со цел да се запазат мерките за заштита од настаната светска пандемија Ковид-19, онлајн преку електронската платформа ЗООМ се одржа XXIII (дваесет и третата) Седница на Советот за развој на Југоисточниот плански регион.

Пред присутните градоначалници oд страна на форумскиот модератор и надворешен консултант-експерт ангажирани преку проектот „Одржлив инклузивен рамномерен регионален развој“ презентирани беа процесот на рангирањето на предлог проектите од регионално и микрорегионално значење за Југоисточниот плански регион од страна на граѓаните од регионот, а воедно беше презентирана и аналитичка студија за економска исплатливост на капиталните инвестиции поединечно на секој предлог проект.

По краткиот осврт на секој од предлог проектите за време на Седницата, Советот ја усвои Годишната листа на приоритетни проекти за 2021 година согласно следниот редослед:

  1. Збогатување на туристичката понуда во Југоисточниот плански регион
  2. Изградба на пристапен пат до регионалниот стационар за бездомни кучиња
  3. Изградба на Локален пат на релација с.Погулево – с.Дамјан

На резервна листа беше утврден предлог проектот – Имплементација на трета фаза од проектот Изградба на локален пат за поврзување на населените места Бориево и Колешино.

Приоритетната листа се однесува за изведба на проекти кои ќе ја збогатат туристичката понуда во регионот, ќе ја подобрат патната инфраструктура и ќе се овозможи поврзување на локални патишта во регионот преку средства од Бирото за рамномерен регионален развој и сопствено учество на општините од Југоисточниот регион.

Согласно утврдената листа, Центарот за развој на Југоисточниот плански регион ќе аплицира до Бирото за регионален развој за нивно финансирање преку Програмата за рамномерен регионален развој за 2021 година.

Оваа година по прв пат предлог проектите пред да бидат усвоени од Советот за развој на ЈИПР инклузивно и со партиципативно учество беа бодувани и приоретизирани од страна на граѓаните од Југоисточниот плански регион преку Форумски сесии во заедницата како нов начин за избирање проекти за Бирото за регионален разво, коишто форуми поради пандемијата Ковид-19 се одвиваа преку пополнување на прашалник од засегнатите страни од Југоисточниот плански регион.

 

Втора форумска сесија во рамките на Регионалните форуми на заедницата за 2020 година

Како дел од втората форумска сесија, се спроведе пополнување на е-прашалник со цел приоретизирање на концепти за предлог проекти како предлог решенија произлезени од учесниците на првата форуска сесија, а развиени од страна на експерти во соработка со Центарот за развој на ЈИПР.

Прашалниците беа пополнети од вкупно 62 учесника, претставници од општините, јавна администрација од регионот, бизнис сектор, пензионери, невработени лица и др., од кои 26 (41,9 %) се жени, а 36 (58,1%) се мажи.

По направените анализи и сумираните податоци, концептите за предлог проекти беа рангирани по следниот редослед:

  1. Збогатување на туристичката понуда во Југоисточниот плански регион
  2. Изградба на пристапен пат до регионалниот стационар за бездомни кучиња
  3. Изградба на Локален пат на релација с.Погулево – с.Дамјан
  4. Изградба на Локален пат на релација Колешино – Бориево (трета фаза)
  5. Изградба на Локален патен правец Л603 за поврзување на патниот правец – Стојаково – Ѓавато со крстосницата со регионалниот пат Р1109

Во рамките на Втората форумска сесија на 15.12.2020 година беше одржана и онлајн презентација на резултатите од гласањето како и од аналитичката студија на петте предлог концепти, каде што беа дадени и препораки за нивно подобрување.

Понатаму овие резултати ќе бидат претставени и пред Советот за развој на Југоисточниот регион кој ќе ги земе во предвид при утврдување на конечната листа на приоритени проекти.

Јавниот повик за поднесување на кредитно барање од Фондот за микро и мали претпријатија

Почитувани,

Јавниот повик за поднесување на кредитно барање од Фондот за микро и мали претпријатија за директна поддршка на микро и мали трговски друштва, трговци поединци и занаетчии кои плаќаат данок на реален приход и се регистрирани во Република Северна Македонија односно КОВИД 3 повикот,  ќе биде објавен на 16.12.2020 година, аплицирањето започнува од 00:01 часот.

 

 

Критериумот за распределба на средствата е по принципот ,,ПРВ ДОЈДЕН, ПРВ УСЛУЖЕН” за кредитокорисници кои ги исполнуваат критериумите за одобрување на кредит.

Јавниот повик е објавен на следниов линк: https://www.mbdp.com.mk/mk/vesti/687-1-7.

За дополнителни информации обратете се кај Данче Поп-Иванова Илиева, тел. 071/364-934, е-маил: dance.popivanova@gmail.com, контакт лице од Центарот за развој на Југоисточниот плански регион.

Претседател на Совет за развој на ЈИПР

Г-н Коста Јаневски

Одржана дваесет и втората (XXII) Седница на Советот за развој на Југоисточниот плански регион

На 07.12.2020 година, се одржа дваесет и втората (XXII) Седница на Советот за развој на Југоисточниот плански регион, он-лајн преку виртуелната платформа Zoom, поради настанатата вонредна состојба на светско ниво COVID 19.

На Седницата присуствуваа Градоначалниците од општините во состав на Југоисточниот плански регион, како и експертот Г-н Тихомир Петрески задолжен за изработка на студија на исплатливост за секој од избраните концепт решенија.

Клучна точка на оваа Седница на Советот за развој на Југоисточниот плански регион беше презентација на предложените концепт решенија, четврти чекор од концептот за регионални форуми на заедницата, алатка за идентификација, приоретизирање и подготовка на проекти за финансирање од Програмата за рамномерен регионален развој за 2021 година, преку Министерство за локална самоуправа и Бирото за регионален развој.

Предложените концепт решенија беа претходно идентификувани, врз основа на избраните приоритетни области и подобласти од спроведената прва форумска сесија, што беше спроведена преку он-лајн прашалник. Понатаму со ангажираниот надворешен експерт, Тихомир Петрески, беа спроведени неколку состаноци со градоначалниците и претставници од општините од Југоисточниот регион врз основа на кои беа идентификувани пет концепт решенија како одговор на идентификуваните проблеми и тоа:

Концепт 1 – Збогатување на туристичката понуда во Југоисточниот плански регион.
Концепт 2 – Изградба на Локален пат на релација Колешино – Бориево (трета фаза).
Концепт 3 – Изградба на Локален пат на релација с.Погулево – с.Дамјан.
Концепт 4 – Изградба на пристапен пат до регионалниот стационар за бездомни кучиња.
Концепт 5 – Изградба на Локален патен правец Л603 за поврзување на патниот правец – Стојаково – Ѓавато со крстосницата со регионалниот пат Р1109.

Советот за развој на Југоисточниот плански регион одлучи сите пет да преминат во следната фаза т.е во фазата на приоритизација која ќе се спроведе по пат на електронски прашалник, како втора форумска сесија преку која населението од регионот ќе има можност да дава забелешки и препораки за нивно подобрување, за на крај Советот за развој на Југоисточниот плански регион ја утврди годишната приоритетна листа на предлог-проекти за финансирање од Програмата за рамномерен регионален развој за 2021 година.

Целиот процес на идентификација на предлог-проектите за финансирање преку Програмата за рамномерен регионален развој за 2021 година се спроведува во рамки на проектот „Одржлив и инклузивен рамномерен регионален развој“, проект на Швајцарската агенција за развој и Министерството за локална самоуправа.

Програмата за развој на Југоисточниот плански регион за наредниот четиригодишен период 2020- 2024 е во крајна фаза на изработка

На ден 02.12.2020 виртуелно на онлајн платформата ЗООМ се одржа Финална Конференција на којашто беше претставена работната нацрт верзија на Програмата за развој на Југоисточниот плански регион 2020-2024. Учество на оваа конференција зедоа Градоначалниците – членови на Советот за развој на Југоисточниот плански регион, претставници на Министерство за локална самоуправа и засегнати страни од Југоисточниот регион (претставници на општини, јавни институции, приватен и граѓански сектор).

 

Финалната Конференција со воведно обраќање ја отворија Г-н Коста Јаневски, Претстедател на Советот за развој на Југоисточниот плански регион и Г-а Жулиета Ѓуркова, раководител на Центарот за развој на Југоисточниот плански регион.

Г-а Ѓуркова во поздравниот говор истакна дека Програмата за развој на ЈИПР претставува еден од најзначајните документи не само за Центарот туку и за сите општини, граѓански организации како и бизнис секторот во регионот и појасни дека истата ќе биде целосно усогласена со Националната Стратегија за регионален развој, а ќе биде усвоена од страна на Советот на ЈИПР по претходна сосгласност од Советот за рамномерен регионален развој на РСМ.

Од страна на експертскиот тим беше презентирана нацрт верзијата на Програмата за развој на Југоисточниот плански регион 2020-2024, целиот процес на изработка на Програмата, вклученоста и придонесот на засегнатите страни, продуктивноста и работата на изминатите работилници за изработка на Програмата, како и активностите кои се реализираа меѓу сесиите.

Конференцијата заврши со плодна дикусија каде градочалниците од регионот и сите засегнати страни имаа можност за искажување забелешки, сугестии, коментари и пофалби во однос на презентираниот среднорочен документ на Југоисточниот плански регион.

„Програмата за развој на ЈИПР е доста опсежно и темелно направена и во иднина со сите релевантни фактори и засегнати страни ќе се бориме предложените стратешки цели да добијат едно поголемо значење со надеж дека Југоисточниот плански регион ќе добие поголем процент во распределбата на средства за регионите. Сметам дека пред нас има уште многу предизвици, особено во делот на инфраструктура и се надевам дека сите заедно ќе успееме дел од тие предизвици да ги оствариме во наредниот период.“ – истакна на крај Г-н Коста Јаневски Претседател на Советот за развој на Југоисточниот плански регион

 

Процесот на изготвување на Програмата за развој на Југоисточниот плански регион е поддржан преку проектот „Одржлив и инклузивен рамномерен регионален развој“, кој се спроведува со финансиска поддршка од Министерството за локална самоуправа и Швајцарската Агенција за развој и соработка во Р.С. Македонија.

Одржан тренинг за користење на Командниот Центар изработен во рамките на проектот „ХЕЛП“

Центарот за развој на Југоисточниот плански регион во координација со фирмата „Тринити Системи“ од Скопје организираа тридневен тренинг за користење на Командниот Центар изработен во рамките на проектот „Интегриран оперативен центар за хуманитарна помош – HELP“, ко-финансиран од Европска Унија и Националните Фондови на земјите учеснички преку Интеррег ИПА Програмата за прекугранична соработка помеѓу Грција – Република Северна Македонија 2014-2020.

Тренинзите се одржаа на 2-ри, 11-ти и 12-ти ноември 2020 година и тоа комбинирано, првиот во Струмица на местото каде што е поставен самиот Команден Центар, а другите два онлајн преку ЗООМ платформата.

Целта на овие тренинзи беше да се запознаат сите заинтересирани страни за начинот на функционирање на Командниот центар и за начинот на ракување со опремата поставена во него.

На првиот тренинг детално беше разгледана опремата која е поставена внатре, а беше презентиран и начинот на отварање и затварање на дополнителниот дел од Кабината преку видео презентација. Исто така беше извршен и тренинг за користење на сателитската и радио станицата и обука за користење на алармот. Учесници на овој тренинг беа претставници од Центарот за управување со кризи од Скопје како и од Регионалните Центри од Југоисточниот регион.

На вториот тренинг се изврши презентација на софтверската апликација изработена за потребите на проектот и функционирањето на Командниот Центар. Овој тренинг беше наменет за корисници т.е за претставници од Центарот за управување со кризи и на истиот им беше претставен Софтверот за управување со инциденти, неговите општи и специфични функционалности, а сето тоа беше заокружено и со практична вежба.

Третиот ден од тренингот одржан на 12.11.2020 година беше поделен во три дела. Во првиот дел се одржа обука за администраторите на софтверскиот систем, во вториот дел се организираше пилот акција каде врз основа на поставено сценарио се тестираше функционалноста на системот во реални околности т.е. во услови на поплава. Третиот дел од овој тренинг беше наменет за презентација на Командниот центар пред останатите локални засегнати страни (општини, невладини организации, противпожарна служба, Црвен крст, Дирекција за заштита и спасување) кои исто така треба да го користат во услови на елементарни непогоди при што е потребно да се запознаат со опремата со која располага и како истата се користи.

До крајот на проектот планирано е да се одржат еден инфо ден, на кој пошироката јавност ќе биде запознаена со активностите и резултатите од проектот како и дводневна пилот акција на која ќе бидат претставени и тестирани Командните центри од двете страни на границата и нивната поврзаност помеѓу двата региони пред сите засегнати страни.

Галерија

????????????????????????????????????

Се одржа Втората Регионална Работилница за изработка на Програмата за развој на Југоисточниот плански регион 2020-2024

На ден 11.11.2020 виртуелно на онлајн платформата ЗООМ се одржа Втората регионална работилница за изработка на Програмата за развој на Југоисточниот плански регион 2020-2024 на која учествуваа претставници на засегнатите страни од Југоисточиот плански регион (претставници на општини, јавни институции, приватен и граѓански сектор).

На Втората Работилницата за почеток беше презентирана нацрт Визијата за Програмата за развој на Југоисточниот плански регион 2020-2024, како и стратешките области предложени од претходната работилница.

Потоа се пристапи кон работа во групи каде учесниците се фокусираа на дефинирање на стратешките цели, приоритети и мерки за Програмата за развој на Југоисточниот плански регион 2020-2024, изработка на Акцискиот План за спроведување на Програмата, како и на дефинирањето на потребни средства и извори на финансирање водејќи сметка за родово одговорно буџетирање.

Процесот на изготвување на Програмата за развој на Југоисточниот плански регион е поддржан преку проектот „Одржлив и инклузивен рамномерен регионален развој“, кој се спроведува со финансиска поддршка од Министерството за локална самоуправа и Швајцарската Агенција за развој и соработка во Р.С. Македонија.

Финалната Конференција на која ќе биде презентирана Нацрт Верзијата на Програмата за развој на Југоисточниот плански регион 2020-2024, предвидено е да се одржи на 02.12.2020 година.

Прва форумска сесија во рамките на Регионалните форуми на заедницата за 2020 година

Центарот за развој на Југоисточниот плански регион (ЦЈИПР), во месец октомври, ги започна подготовките за одржување на Регионални форуми во заедницата како алатка за идентификација, приоретизирање и подготовка на предлог проекти за добивање на финансиска поддршка од Програмата за рамномерен регионален развој на Бирото за регионален развој (БРР) и Министерството за локална самоуправа на РСМ (МЛС). Врз основа на досегашното позитивно искуство од форумските процеси, во рамки на проектот „Одржлив и инклузивен рамномерен регионален развој“, што Центрите за развој на планските региони го реализираа со поддршка на Швајцарската агенција за развој и соработка и МЛС, одлучено е партиципативното и транспарентно носење на одлуки,со широко граѓанско учество, да биде практикувано и при обезбедувањето на поддршка за предлог проекти од БРР и МЛС. Имено, регионалниот форум, како и усогласеноста на проектите со утврдените приоритети во  програмите за развој на планските региони и со годишната листа на проекти донесена од Советите за развој на планските региони, стануваат задолжителен кавалификациски критериум во процесот на аплицирање со проекти и искористување на средствата достапни од Програмата за рамномерен регионален развој на БРР/МЛС.

Според концептот за спроведување на регионалните форуми, предвидено е одржување на две форумски сесии на кои учесниците ќе ги изберат приоритетните области и подобласти од стратешките цели на регионот, ќе ги идентификуваат проблемите, потребите и предизвиците што го засегаат регионот и ќе ги приоретизираат концепт решенијата изготвени врз основа на граѓанските потреби. Но, заради ескалирање на КОВИД 19 пандемијата и големиот број на заразени во Југоисточниот регион само неколку учесници од клучните партнери прифатија физичко присуство, заради што беше донесена одлука првата форумска сесија да се реализира со спроведување на електронски прашалник.

Од анализираните резултати од пополнувањето на електронскиот прашалник, учесниците за приоритетни 2 области и 2 подобласти ги избраа следните:

Област 1. Земјоделство и рурален развој

Подобласти:

1. Развивање на современа и функционална инфраструктура во селата и  подрачјата со специфични развојни потреби

2. Модернизација и подобрување на конкурентноста на земјоделското производство

 

Област 2. Економија, инвестиции, пазар на труд, туризам

Подобласти:

1. Развој и промоција на регионот како атрактивна туристичката дестинација

2. Развој на претприемнички еко систем и поттикнување на претприемништвото (вкл. жени и млади)

Се одржа Првата Регионална Работилница за изработка на Програмата за развој на Југоисточниот плански регион 2020-2024

На ден 21.10.2020 во Дом на АРМ во Струмица се одржа Првата регионална работилница за изработка на Програмата за развој на Југоисточниот плански регион 2020-2024. На средбата согласно протоколот за спроведување на мерки за заштита од Ковид-19, учествуваа претставници на засегнатите страни од Југоисточиот плански регион (претставници на општини, јавни институции, приватен и граѓански сектор).

На работилницата беа претставени клучните наоди од секторските анализи за утврдување на моменталната состојба во регионот, се одредија приоритетните стратешки области за следниот плански период, беа формирани групи во кои учесниците работеа на подготвување на SWOT анализи по одредените приоритетни стратешки области.

На крај се пристапи кон дефинирање на Визијата за регионот за следните пет години и областите во кои ќе се врши спроведување на мерките и активностите со цел да се дефинира посакуваната состојба во Југоисточниот регион во 2024 година.

Процесот на изготвување на Програмата за развој на Југоисточниот плански регион е поддржан преку проектот „Одржлив и инклузивен рамномерен регионален развој“, кој се спроведува со финансиска поддршка од Министерството за локална самоуправа и Швајцарската Агенција за развој и соработка во Р.С. Македонија.

Втората регионална работилница за изработка на Програмата за развој на Југоисточниот плански регион 2020-2024, предвидено е да се одржи на 11ти Ноември, 2020 година.

Започна процесот за изработка на Програмата за развој на Југоисточниот плански регион 2020-2024

Центарот за развој на Југоисточниот плански регион, во рамките на своите надлежности што произлегуваат од Законот за рамномерен регионален развој, го отпочна процесот на изработка на среднорочниот плански документ – Програмата за развој на Југоисточниот плански регион 2020-2024, со тоа што на ден 06.10.2020 се одржа Воведната консултативна средба на засегнатите страни за изработка на Програмата за развој на Југоисточниот плански регион 2020-2024.

Целта на воведната средба беше запознавање на учесниците со процесот и методологијата за изработка на Програмата за развој на Југоисточниот плански регион 2020-2024. Средбата се одвиваше он-лине на платформата ЗООМ, каде активно беа вклучени околу 20-тина претставници од сите засегнати страни од регионот и тоа: претставници од десетте општини што му припаѓаат на регионот, претставници од јавниот сектор, приватниот сектор, граѓанските организации, академската заедница, како и други релевантни чинители од Југоисточниот плански регион.

 Постапката за изработка на Програмата, е од особена важност за Југоисточниот плански регион и ќе се одвива во неколку фази, во согласност со Правилникот за методологијата за изработка на планските документи за регионален развој.

Процесот на изготвување на Програмата за развој на Југоисточниот плански регион е поддржан преку проектот „Одржлив и инклузивен рамномерен регионален развој“, кој се спроведува со поддршка на од Министерството за локална самоуправа и Швајцарската Агенција за развој и соработка во Р.С.Македонија.