ЦРЈИПР со сертифицирани кадри за јавни набавки по EU PRAG и проектен менаџмент

Претставници од Центарот за развој на Југоисточниот плански регион (ЦРЈИПР) во периодот од 24–26 март 2026, учествуваа на Final Training Event, кој се одржа во хотелот Ramada Plaza во Гевгелија, во периодот од 24 до 26 март 2026 година.

Настанот беше организиран во рамки на проектот „Technical Assistance EU for Municipalities“, финансиран од Европската Унија, а имплементиран од конзорциум предводен од GOPA PACE S.A. Обуката опфати две главни тематски области: „EU Project Management“ и „EU PRAG & Procurement Contract Management“, со фокус на практични знаења и вештини за управување со проекти и јавни набавки според ЕУ стандарди.

Во текот на тридневната обука, учесниците имаа можност да се запознаат со клучни аспекти на проектниот циклус, вклучително и Project Cycle Management (PCM) и методологијата PM2, како и со алатки за анализа, интервенциска логика и изработка на Logical Framework Matrix (LFM). Дополнително, беа обработени теми поврзани со теоријата на промени, дефинирање индикатори и управување со резултати.

Посебен акцент беше ставен на процедурите согласно EU PRAG, вклучително и видови постапки, критериуми за доделување договори, подготовка на тендерска документација, како и евалуација и управување со договори. Учесниците работеа на практични примери и добија насоки за ефективна примена на правилата во реални ситуации.

Вториот ден беше посветен и на буџетирање и финансиско управување со проекти, каде што беа разгледани процесите на финансиско планирање, мониторинг, контрола и известување, во согласност со донаторските барања и националното законодавство.

Третиот ден, означен како „IT Day“, понуди заеднички сесии за сите учесници, насочени кон унапредување на дигиталните вештини во јавната администрација. Темите вклучуваа дигитална ефикасност во секојдневната работа, употреба на AI алатки во административни и проектни процеси, како и практична примена на ИТ решенија за подобрување на општинските услуги, вклучително и управување со данок на имот и користење на GIS системи.

Настанот заврши со писмен тест за проверка на стекнатите знаења и доделување сертификати.

Дополнително, важно е да се истакне дека Центарот за развој на Југоисточниот плански регион веќе располага со сертифицирани обучувачи во областа на јавните набавки, што претставува значаен ресурс за пренос на знаење и јакнење на институционалните капацитети. Воедно, дел од вработените успешно се стекнаа со сертификати за проектен менаџмент, со што дополнително се зајакнува експертизата на институцијата за ефикасно управување со проекти финансирани од Европската Унија.

Со учеството на овој значаен настан, претставниците на ЦРЈИПР дополнително ги унапредува своите капацитети и придонесуваат кон подобрување на локалниот и регионалниот развој преку квалитетна имплементација на ЕУ проекти.

Учество на FIREDEFEND на „Forward Green Expo“ во Солун – размена на искуства и унапредување на одржливи практики

На 27 март, проектниот тим на Центарот за развој на Југоисточниот плански регион, како партнер во проектот FIREDEFEND, учествуваше на 4-та Меѓународна изложба за циркуларна економија „Forward Green Expo“, која се одржа во рамки на настанот „Renewable Energy Tech“ во Солун, Грција.

Учеството на овој значаен меѓународен настан овозможи размена на искуства, знаења и добри практики со релевантни институции, експерти и организации од регионот и пошироко, во областа на управување со ризици, заштита на животната средина и одржлив развој. Посебен акцент беше ставен на современите пристапи и иновативни решенија поврзани со циркуларната економија и обновливите извори на енергија.

Преку учеството на изложбата, тимот имаше можност да се запознае со нови технологии, алатки и практики кои придонесуваат кон подобрување на системите за превенција и справување со пожари, како и поефикасно управување со отпад и природни ресурси – теми кои се директно поврзани со целите на проектот FIREDEFEND.

Во рамки на настанот се одржа и партнерска средба на проектот FIREDEFEND, на која беа разгледани досегашните активности, постигнатиот напредок и предизвиците во имплементацијата. Партнерите дискутираа за следните чекори, со цел унапредување на соработката и обезбедување ефективна и навремена реализација на проектните активности.

Учеството на вакви настани придонесува кон зајакнување на регионалната и прекуграничната соработка, како и кон примена на современи решенија за справување со предизвиците поврзани со климатските промени и заштитата на животната средина.

#FIREDEFEND #ForwardGreenExpo #RenewableEnergy #ЦиркуларнаЕкономија #ОдржливРазвој #ClimateAction

📢 Почетен (Kick-off) состанок во рамки на проектот TX4ALL

На 17 март 2026 година, во Солун, Грција, се одржа почетниот (kick-off) состанок во рамки на проектот „Accessibility and inclusion for all to public tourism assets & services“ (TX4ALL), финансиран од Европската Унија преку Интеррег VI-A ИПА Програмата „Грција – Северна Македонија 2021–2027“.

Состанокот беше организиран од водечкиот партнер – Институтот на Националната конфедерација на лица со попреченост (IN-ESAmeA) од Грција, а на истиот учествуваа сите проектни партнери.

Во рамки на состанокот, партнерите ги презентираа своите организации, проектни тимови и планираните активности, со посебен акцент на улогата на секој партнер во реализацијата на проектот. Дополнително, беше направен преглед на проектните работни пакети, комуникациските активности, како и следните чекори за успешна имплементација.

Посебно внимание беше посветено на координацијата помеѓу партнерите, временската рамка за реализација на активностите, како и подготовката и спроведувањето на јавните набавки, кои претставуваат клучен сегмент во проектот.

🔹 Во рамки на проектот, Центарот за развој на Југоисточниот плански регион ќе реализира повеќе активности насочени кон подобрување на пристапноста во туризмот, меѓу кои:

  • создавање на инклузивна плажа на Дојранското Езеро
    • набавка на инклузивно опремено возило
    • изработка на мобилна апликација
    • набавка на електрични возила за разгледување на туристички локации
    • набавка на аудио-базиран систем за лица со оштетен вид
    • поставување на 14 универзално пристапни знаци за насочување
    • инсталација на нов лифт во зградата на Центарот
    • набавка на 18 мобилни рампи за општините во регионот

Проектот TX4ALL претставува значаен чекор кон создавање на подостапен, поинклузивен и одржлив туризам, кој ќе овозможи еднаков пристап до туристичките услуги за сите граѓани.

#TX4ALL #Инклузија #Пристапност #Интеррег #ЕУПроекти

Одржан првиот работен состанок за проектот „Heart Safe CBA“

На 24 март 2026 година официјално започна имплементацијата на проектот „Кон прекугранична област, безбедна за срцето“ (Heart Safe CBA), со одржувањето на првиот работен состанок.

Проектот се реализира во рамките на Програмата за прекугранична соработка Интеррег ИПА Грција – Северна Македонија 2021–2027, кофинансирана од Европската Унија и националните фондови на земјите учеснички.

На настанот присуствуваа претставници од сите партнерски институции – Центарот за развој на Југоисточниот плански регион, Општата болница АХЕПА од Солун и Друштвото за итна претхоспитална нега на Грција. На состанокот беше дискутирано за координација на активностите, дефинирање на следните чекори и зајакнување на прекуграничната соработка во областа на итната медицинска помош.

Проектот предвидува значајни инвестиции во здравствената инфраструктура во Југоисточниот регион. Планирана е набавка и поставување на 18 автоматски (мобилни) дефибрилатори на јавни локации, вклучително општински објекти и граничните премини во Гевгелија, Дојран и Ново Село. Дополнително, ќе бидат обезбедени 6 полуавтоматски дефибрилатори, 6 ЕКГ апарати и 4 целосно опремени амбулантни возила за потребите на здравствените домови.

Посебен акцент на состанокот беше ставен на организацијата на обемна програма за едукација. Во рамки на проектот ќе се реализираат 60 обуки за укажување прва помош со користење на дефибрилатори, наменети за доктори, медицински персонал, вработени во повеќе институции, како и за граѓаните од регионот.

Со реализацијата на овие активности, проектот „Heart Safe CBA“ има за цел да го унапреди системот за итна медицинска помош, да ја зголеми подготвеноста за реагирање при срцеви итни случаи и да придонесе кон создавање побезбедна и поотпорна прекугранична заедница.

Прва работилница во рамки на проектот Зелено за добро G4G – одржана во Солун

На 23 март 2026 година, во просториите на CERTH во Солун се одржа првата работилница на проектот „Зелено за добро“ (G4G), организирана од страна на Центарот за истражување и технологија, Hellas.

На настанот присуствуваа партнерите на проектот – Центарот за развој на Југоисточниот плански регион, ЧИСС Меѓународна соработка Југ Југ подружница Скопје, Центарот за истражување и технологија Хелас и Општина Терми – кои заедно со другите учесници придонесоа кон конструктивна размена на ставови и предлози за одржлив туризам.

Работилницата опфати презентации и интерактивна студија на случај, фокусирана на Солун како стратешка туристичка дестинација, создавајќи простор за дискусија, размислување и споделување практични идеи. Учесниците истражуваа како туризмот може да се развива на поурамнотежен и поодржлив начин, а притоа да одговори и на потребите на локалните заедници и посетителите.

Како прва работилница организирана во рамките на проектот G4G, настанот означи значаен почеток на оваа серија активности и ја истакна вредноста на соработката, размената на знаење и заедничкото дејствување кон поодржливи и поотпорни заедници.

„Прекугранична соработка за рана детекција и превенција на пожари на диви депонии“

На 6 март 2026 година во Солун Грција, се одржа почетниот состанок на проектот FIREDEFEND – Fire Detection and Enhanced Fire Emergency Network for Waste Disposal, со кој официјално започна имплементацијата на проектните активности.

Во рамки на состанокот, партнерите ги претставија своите организации и проектни тимови како и планираните активности и работни пакети. Беа разгледани клучните аспекти на управувањето со проектот, финансиските и административните правила, комуникациските обврски, како и следните чекори за успешна реализација на проектот.

Проектот има за цел подобрување на системите за рана детекција на пожари на депонии и зајакнување на капацитетите за превенција и управување со ризици, преку инсталирање пилот системи за рано откривање на пожари и размена на искуства и добри практики помеѓу партнерите од Грција и Северна Македонија.

Во рамки на настанот беше организирана и студиска посета на Еколошкиот Парк Терми-Панорама, кој претставува успешен пример за трансформација на поранешна неконтролирана депонија во современ еколошки парк.

Изразуваме искрена благодарност до нашите Водечки Партнери – FoDSA (Regional Association of Solid Waste Management Agencies in Central Macedonia) за одличната организација и гостопримството.

Проектот FIREDEFEND се имплементира во рамките на Interreg VI-A IPA Programme Greece – North Macedonia 2021–2027, кофинансиран од Европска Унија и националните фондови на земјите учеснички.

#FIREDEFEND #Interreg #CrossBorderCooperation #Environment #FirePrevention

Успешно реализирана прес-конференција за проектот „Зелено за добро“ (G4G)

На 04 март 2026 година, во Хотел „Сириус“ – Струмица, се одржа првата прес-конференција за проектот „Зелено за добро“ (Green for Good – G4G), што се реализира во рамки на Интеррег VI-A ИПА Програмата „Грција – Северна Македонија 2021–2027“. Проектот е кофинансиран од Европската Унија и националните фондови на земјите учеснички.
Настанот беше организиран од Центарот за развој на Југоисточниот плански регион, со присуство на претставници на проектот, институции, владини претставници и медиуми.
Изјави за медиумите дадоа Златко Перински – министер за локална самоуправа, Петар Јанков – претседател на Советот за развој на Југоисточниот плански регион / градоначалник на Општина Струмица и Јован Коцев – в.д. директор на ЦРЈИПР, по што следуваа нивни поздравни обраќања, заедно со обраќање од Горан Бошков – претставник од CISS. Во своето обраќање, в.д. директорот на ЦРЈИПР, Јован Коцев, истакна: „Вредноста на овој проект, не е само во поединечните активности туку и во основата што ја поставува за долгорочни промени. Тој го зајакнува капацитетот на регионот да планира и да инвестира стратешки, со подобра координација меѓу општините и усогласување со националните политики и европските програми.“
Во продолжение беше презентиран проектот „Зелено за добро“ (G4G) и беше прикажано промотивно видео. Проектот е насочен кон намалување на загадувањето и подобрување на квалитетот на воздухот; поголема употреба на обновлива енергија и воведување на паметно управување со енергијата; унапредување на одржлива мобилност; развој на зелена урбана инфраструктура и еколошко образование; како и зајакнување на прекуграничната соработка преку заеднички иницијативи и структури на управување.
Во рамки на проектот се планираат и конкретни активности и инвестиции, меѓу кои поставување на 8 станици за брзо полнење електрични возила во прекуграничниот регион, инсталација на фотоволтаични системи во повеќе општини и воспоставување Центри за зелено образование со цел долгорочни и одржливи придобивки за заедницата.
Настанот заврши со сесија прашања и одговори и конструктивна дискусија за наредните активности и следните чекори во имплементацијата на проектот.

           

Избрани претставници од здруженијата и бизнис секторот за членови на Советот за развој на ЈИПР

Во рамки на спроведената постапка согласно законските прописи и објавениот Јавен повик, беше извршен избор на член од редот на здруженијата на Советот за развој на Југоисточниот плански регион.

Како претставник од здруженијата е избрана Локалната Акциона група „Беласица – Огражден“ од Босилово, претставувана од г. Сашо Поповски.

Исто така, од страна на Стопанската комора на Република Северна Македонија беше извршена номинација на г. Ристе Скилески како претставник од бизнис секторот, по што беше донесена соодветна одлука за негово членство во составот на Советот за развој на Југоисточниот плански регион.

Со ваквиот состав се овозможува поширока вклученост на граѓанскиот и бизнис секторот во процесите на регионален развој во Југоисточниот плански регион.

Покана за состанок до здруженијата кои се пријавиле по Јавниот повик за избор на член – претставник од здруженијата во Советот за развој на ЈИПР

До

Локална Акциона Група Беласица – Огражден, Босилово

ЦЕЛОР – Центар за локален развој, Радовиш

 

Врз основа на член 21 став 13, 14 и 15 од Законот за рамномерен регионален развој („Службен весник на РСМ“ број 24/21, 174/21 241/24 ) и член 6 од Одлуката за распишување на јавен повик за избор на член во Советот за развој на Југоисточниот плански регион – претставник од здруженијата бр. 08-183/7 од 19.11.2025 година, Претседателот на Комисијата за спроведување на јавниот повик за избор на член во Советот за развој на Југоисточниот плански регион – претставник од здруженијата, упатува: 

 

Покана за состанок

до здруженијата кои се пријавиле по Јавниот повик за избор на член во

Советот за развој на Југоисточниот плански регион – претставник од здруженијата

 

 

Почитувани,

Како апликанти по Јавниот повик за избор на член – претставник од здруженијата во Советот за развој на Југоисточниот плански регион, Ве покануваме на состанок на ден 22.12.2025 година (понеделник) со почеток во 12:00 часот, во просториите на Центарот за развој на Југоисточниот плански регион на адреса Бул. Маршал Тито бр.1-1, 2400 Струмица.

На состанокот може да учествуваат сите здруженија кои доставиле Пријава по Јавниот повик, а може да одлучуваат само здруженијата кои ги исполнуваат критериумите од Јавниот повик и тоа преку овластените лица на здруженијата или лица ополномоштени од нив кои се должни да достават:

  • полномошно за учество на состанокот за здруженијата кои се пријавиле по Јавниот повик, но не ги исполнуваат критериумите назначени во повикот во оригинал со печат и своерачен потпис од овластеното лице или
  • полномошно за учество и одлучување за здруженијата кои се пријавиле и кои ги исполнуваат условите од Јавниот повик во оригинал со печат и своерачен потпис од овластеното лице.

На состанокот, пријавените кандидати кои ги исполнуваат критериумите од Јавниот повик, со мнозинство гласови одлучуваат кој од нив ќе ги претставува во Советот за развој на Југоисточниот плански регион, како член – претставник од здруженијата, без право на глас, со мандат од 4 (четири) години.

Здруженија кои ги исполнуваат критериумите од Јавниот повик се:

  1. Локална Акциона Група Беласица – Огражден, Босилово
  1. ЦЕЛОР – Центар за локален развој, Радовиш

Со почит,

19.12.2025 година

 

                                                                                                                                                                                                                                                                Претседател,                                                                                                                                                   Ѓоко Ристовски

Одржана Првата Конститутивна Седница на Советот за развој на ЈИПР

На Конститутивната седница на Советот за развој на Југоисточниот плански регион, одржана на 19.11.2025 година, беше избран новиот состав на Советот и верифицирани мандатите на десетте градоначалници кои во наредните четири години, ќе носат одлуки во интерес на регионот. На седницата, градоначалникот на Струмица, Петар Јанков, беше избран за претседател на Советот за развој на Југоисточниот плански регион.
Јанков се заблагодари за довербата и најави засилена меѓуопштинска соработка. Во неговиот мандат, фокусот ќе биде ставен на регионални иницијативи и развојни проекти кои ќе придонесат за подобар квалитет на живот во руралните и урбаните средини.
„Работиме заедно за посилен, напреден и подобро поврзан регион“, истакна тој.
На истата седница, Јован Коцев, досегашен раководител на одделението за меѓуопштинска соработка и регионален развој, беше избран за вршител на должност директор на Центарот за развој на Југоисточниот плански регион.
Југоисточниот плански регион продолжува да се развива со ново раководство, свежа енергија и јасна визија за уште посилен регионален развој.