Центарот за развој на Југоисточниот плански регион домаќин на дводневен состанок за размена на експертиза на тема биодиверзитет

На 08 и 09 Јули, 2021 година, Центарот за развој на Југоисточниот плански регион во Струмица беше домаќин на Состанок за размена на експертиза, кој го организираше во рамки на проектот „Заеднички стратегии за заштита на биолошката разновидност и одржлив развој на билатералната мрежа на заштитени подрачја – COMBINE2PROTECT“, ко-финансиран од Европска Унија од Првиот повик преку ИНТЕРРЕГ ИПА Програмата за прекугранична соработка помеѓу Грција и Република Северна Македонија 2014-2020.

На дводневниот состанок присуствуваа експерти од образовни институции, претставници од заштитени подрачја, службеници од национални институции вклучени во биодиверзитетот и зачувување на живеалиштата заедно со граѓанските организации и дискутираа за важноста од спроведувањето на програмите за мониторинг, собирањето податоци и одредбите на законодавството на ЕУ со акцент на мрежа NATURA 2000.

На состанокот виртуелно преку интернет платформата ЗООМ присуствваа и експерти од прекуграничниот регион Грција кои го споделија своето искуство и го дадоа својот придонес и професионално мислење за дадените теми.

На дводневниот состанок експертите разменија искуства и позитивни практики за зачувување на биодиверзитетот,  дискутираа за улогата на граѓанските организации и нивниот придонес, како и за ЕУ законодавството за заштита на природата, ЕУ Директивите за птици и живеалишта, важноста во управувањето со NATURA 2000. На состанокот беше презентирана и Регионалната стратегија за Биодиверзитет на Југоисточниот плански регион изработена во рамки на проектот како еден од позначајните активности на Центарот за развој на Југоисточниот плански регион.

Проектот Combine2Protect претсавува визија за ефикасно, значително и долгорочно зачувување на биолошката разновидност и придружните услуги на екосистемите во иднина.

Оваа активност е ко-финансирана од Европската Унија и националните фондови на земјите учеснички.

Отворена работилница за подигнување на свеста за климатски промени на река Сушица во Радовиш

На 02 јули 2021 година се одржа отворена работилница за подигнување на свеста за климатските промени на местото каде што се изведуваа градежните активности на делови од коритото на река Сушица, во општина Радовиш. Настанот се спроведува во рамките на проектот „Заеднички активности за спречување и намалување на последиците од катастрофи во општините Сандански и Радовиш“,кофинансиран од страна на Европската унија преку Програмата за прекугранична соработка Интеррег-ИПА меѓу Република Бугарија и Република Северна Македонија 2014-2020, CCI No2014TC16I5CB006 кој Центарот за развој на Југоисточниот плански регион го имплементира во партнерство со општина Радовиш и општина Сандански, Р.Бугарија.

На настанот присуствуваа околу 60 учесници од кои вработени во Општина Радовиш,  средношколци од СОУ „Коста Сусинов“ од Радовиш и средношколци од СОУ „Димитар Влахов“ од Струмица. Како дел од програмата на работилницата беа спроведени интерактивни игри и активности за расчистување и пошумување на местото каде што се изведуваа градежните активности со цел да се зголеми свеста кај младите за последиците од климатските промени и слични ризици како што се ерозија, поплави, суши и други непогоди.

На младите учесници на отворената работилница од страна на Центарот за развој на Југоисточниот плански регион им беа доделени сертификати за учество и посебен придонес во проектот, а награди беа доделени на најдобрите учесници кои успешно го пласираа своето знаење во интерактивните игри.

Главната цел на проектот е да се спроведат мерки за прилагодување на климатските промени поврзани со намалување на ризикот од поплавување во општините Радовиш (Република Северна Македонија) и Сандански (Република Бугарија).

Проектот е кофинансиран од Европската унија и Националните фондови на земјите учеснички.

Второ прскање против возрасни комарци по земјен пат во општините во Југоисточниот плански регион

Се известуваат сите граѓани на десетте општини во Југоисточниот плански регион, дека второто прскање против возрасни комарци ќе се изврши во период од 07 до 09 Јули 2021 година, со следниот распоред:

  1. На 07.07.2021 година (Среда), во период од 20 до 04 часот во општините Радовиш и Конче.
  2. На 08.07.2021 година (Четврток), во период од 20 до 04 часот во општините Ново Село, Босилово, Василево и Струмица.
  3. На 09.07.2021 година (Петок), во период од 20 до 04 часот во општините Гевгелија, Валандово, Дојран и Богданци.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Продолжен рокот за поднесување на документи за конкурсот за ангажирање на проектен асистент

Се продолжува рокот за поднесување на документи на конкурсот за ангажирање на еден проектен асистент во Регионална канцеларија за поддршка на социјалното претприемништво во Југоисточниот плански регион која функционира во рамките на проектот „Поддршка на социјалното претприемништво“ финансиран од Европската Унија.

Заинтересираните кандидати својот интерес можат да го најават со доставување на кратка биографија (CV), мотивационо писмо на англиски јазик, како и дополнителни документи за докажување на наведените критериуми, со назнака „по конкурс за проектен асистент“, најдоцна до 25.06.2021 година (петок), до 12.00 часот, во просториите на Центарот за развој на Југоисточниот плански регион, Бул. „Маршал Тито” бр. 1-1, 2400 Струмица.     

Целосниот текст на конкурсот како и прилозите може да се превземат од следниве линкови:

  1. Конкурс за проектен асистент во Регионална канцеларија за поддршка на социјалното претприемништво во Југоисточниот плански регион
  2. Прилог 1 – Работни задачи на проектен асистент
  3. Прилог 2 – Europass CV

Конкурс за ангажирање на 1 (еден) Проектен Асистент

Центарот за развој на Југоисточниот плански регион објавува конкурс за ангажирање на еден проектен асистент во Регионална канцеларија за поддршка на социјалното претприемништво во Југоисточниот плански регион која функционира во рамките на проектот „Поддршка на социјалното претприемништво“ финансиран од Европската Унија.

Заинтересираните кандидати својот интерес можат да го најават со доставување на кратка биографија (CV), мотивационо писмо на англиски јазик, како и дополнителни документи за докажување на наведените критериуми, со назнака „по конкурс за проектен асистент“, најдоцна до 21.06.2021 година (понеделник), до 12.00 часот, во просториите на Центарот за развој на Југоисточниот плански регион, Бул. „Маршал Тито” бр. 1-1, 2400 Струмица.     

Целосниот текст на конкурсот како и прилозите може да се превземат од следниве линкови:

  1. Конкурс за проектен асистент во Регионална канцеларија за поддршка на социјалното претприемништво во Југоисточниот плански регион
  2. Прилог 1 – Работни задачи на проектен асистент
  3. Прилог 2 – Europass CV

Прво прскање против возрасни комарци по земјен пат во општините во Југоисточниот плански регион

Се известуваат сите граѓани на десетте општини во Југоисточниот плански регион, дека првото прскање против возрасни комарци ќе се изврши во период од 14 до 16 Јуни 2021 година, со следниот распоред:

  1. На 14.06.2021 година (Понеделник), во период од 20 до 04 часот во општините Радовиш и Конче.
  2. На 15.06.2021 година (Вторник), во период од 20 до 04 часот во општините Ново Село, Босилово, Василево и Струмица.
  3. На 16.06.2021 година (Среда), во период од 20 до 04 часот во општините Гевгелија, Валандово, Дојран и Богданци.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Одложено првото прскање против возрасни комарци во општините во Југоисточниот регион

Се известуваат граѓаните од општините во Југоисточниот регион, дека СЕ ОДЛОЖУВА првото прскање против возрасни комарци кое беше предвидено да се изврши на 07,08,09 Јуни 2021 година.

Прскањето се одложува поради неповолни временски услови т.е појава на врнежи во предвидениот период, а за спроведување на планираното прво прскање против возрасни комарци, граѓаните од Југисточниот регион ќе бидат дополнително известени.

Прво прскање против возрасни комарци по земјен пат во општините во Југоисточниот плански регион

Се известуваат сите граѓани на десетте општини во Југоисточниот плански регион, дека првото прскање против возрасни комарци ќе се изврши во период од 7 до 9 Јуни 2021 година, со следниот распоред:

  1. На 07.06.2021 година (Понеделник), во период од 20 до 04 часот во општините Валандово, Дојран, Гевгелија и Богданци.
  2. На 08.06.2021 година (Вторник), во период од 20 до 04 часот во општините Ново Село, Босилово, Василево и Струмица.
  3. На 09.06.2021 година (Среда), во период од 20 до 04 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

 

Одржана инфо сесија за повикот на ФИТР „Стартапувај 3“

На 20.05.2021 година со почеток од 11.00 часот Бизнис Центарот при Центарот за развој на Југоисточниот плански регион заедно со Фонд за иновации и технолошки развој за компаниите од Југоисточниот и Источниот регион одржаа онлајн презентација наменета за презентирање на условите за финансирање под инструментот за поддршка „Кофинансирани грантови за новоосновани трговски друштва старт-ап и спин оф“.
За време на презентацијата беа разјаснети условите и начинот на аплицирање, целта на поддршката на овој повик, какви трошоци можат да се финансираат, комисијата одговорна за прегледување и оценување на проектите, времетраењето на проектот и слично.

Интересот на компаниите од Југоисточниот и Источниот плански регион за информирање за овој инструмент за поддршка беше голем. Над 70 компании беа онлајн приклучени на презентацијата, и по нејзиното завршување поставуваа прашања кои беа директно одговорени од страна на претставниците на Фондот за иновации и технолошки развој.

Компаниите можат да аплицираат на овој јавен повик електронски заклучно до 12.06.2021 година.
Целата документација заедно со правила за пријавување се достапни на следниот линк: https://fitr.mk/startapuvaj3/.

Апликација за менторска поддршка за новоосновани старт ап и спин оф компании кои ќе аплицираат преку новиот повик на ФИТР „Стартапувај 3“

Бизнис Центарот при Центарот за развој на Југоисточниот плански регион во рамките на Ваучерската шема за давање стручна помош овозможува БЕСПЛАТНА МЕНТОРСКА ПОДДРШКА за сите фирми кои се заинтересирани да аплицираат преку новиот повик објавен од страна на ФИТР за инструментот за поддршка – Кoфинансирани грантови за новоосновани трговски друштва старт-ап и спин-оф достапен на следниов линк: https://fitr.mk/startapuvaj3/.
Преку пополнување на апликацијата новооснованите фирмите од Југоисточниот регион се стекнуваат со право за добивање на менторска поддршка, а поради ограничен износ на средства, редоследот на корисниците на менторската поддршка ќе се определува по принципот „прв пријавен-прв услужен“.
За дополнителни информации обратете се во Бизнис центарот при Центарот за развој на Југоисточниот плански регион, на Бул. Маршал Тито бр. 1-1, Струмица или побарајте не на 034/340-139.